آه بس آه والله مو عارفه أيش اقول
كنت حاسه انو زوجي مسوي شئ لانو ي توسلي إني ما اراسلها وكل شويه يقول أعطيني وعد أنك ما تسوي شي من ورايه قلت انت ليش خايف وقال اذا تواصلتي معها راح اخسرك وجلس يبكي عرفت هنا انو صار شي كبير قلت طيب وانتظرته الين خرج وراسلتها امس الظهر وقلت لها انت ليش ورا زوجي وتلاحقيه قالت من زوجك قلت الظاهر معارفك كثير عشان كذا مو عارفه زوجة مين انا قالت انت اللي عندك اصاحب وتراكضين وراهم ومخليه زوجك وهو عافك ومو طايقك ويكرهك ياغبيه ياللي ماعندك كرامه كم مره رحتي لاهلك وترجعين وكمان كشفتيه قبل هدي المره معايه وجلستي ببيتك مهانه وعاجبتك المهانه انقلعي عن حبيبي وخلي حبنا يتوج بالزواج انا قلت الزمي حدودك وانت زله بحياته ومحطه من ضمن محطاته ولو يبغى يتزوج ما راح يتزوج اشكالك قالت كسرتي خاطري ياغبيه روحي اسألي اخواتهة. ... ... و..... قالت اسمائهم انا هنا انصدمت كيف تعرف اهل زوجي قالت هو خطبني رحت دقيت على اخته وحلفت انها ماتدري عن شي وبعدين سالتها من قبيلتنا قالت لا انا ............. بعد كذا احس تفشلت بالمره هجمت عليها وهي طلعت خطيبته سالتها كيف عرفك قالت واحد دله علينا وسالتني وش قال زوجك عني قلت مو عدل اقولك انا وانت ما تقولي ابغى اعرف ايش عرفت عن حياتتا الصدمه انها تعرف كل كل تفاصيل حياتي ومشاكلنا وقالت هو قبل خطب عليك و دحين خطب برضوه انصحك خليه و شوفي حياتك عشان لا تتعذبين وخليني لحبيبي وهو قال راح يطلقك ويقلعك لابيت اهلك اذا تزوحني قلت طيب زوجي جنبي وينكر كل شي اعطيني دليل ومن جد صورت المحاثات وارسلتها وطلعت صادقه وتقول ليش حبيبي جواله مقغل من يومين اهلي يدقون عليه يبغون يحددون الملكه ولا اعطيني رقمه الجديد جاء زوجي وبدات المعركه وشاف كل الرسايل وجلس يبكي ويقبل اقدامي ويترجاني اجلس في البيت انا طنشت و رحت اجمع اغراصي صار يمسكني ويقول والله لاذبح نفسي قلت موت يكون احسن تقريبا ساعه على هدا الوضع لحد ما هديت وقلت تتوضاء وتجيب المصحف وفعلا جاب المصحف قلت تعلمني بكل شي صار بصدق وحلف القصه انه بيوم من الايام بشهر ثمانيه زوجي صلى الفجر وارسل له رقم وطلع غلطان وابتدت قصتهم وانجرف زوجي لانها حسب كلامه اغوته وعلمها بكل شيى عن حياته وعن اهله ولما كشفته المره اللي قبل حظرها بس لانها ترسل له نصيه وتتصل ضعف وفك الحظر ومن كثر ما تلح عليه بالزواج وبلحظة غباء قال طيب وقالت له عندي اخ عنده شغلات بالغربيه البنت كلمت ابوها انو صديقتي تبغاني لاخوها الاب كلم ولده وقال اذا رحت هناك في واحد يبغى يخطب اختك قابله واعرف معلومات عنه وجاء هذا اليوم اللي اتذكره زي اسمي كان نص الاسبوع هذاك اليوم ما نام زوجي لما جاء من الدوام وكشخ كشخه استغربت وقلت مو عادتك قال بقابل صاحبي من زمان عنه ساعه ورجع قلت ابغى اعرف اسمه والا مالو اسم قال اسم واحد من اصحابه طبعا قابل اخوها وخطبها وبعد اسبوع اعتذر من اخوها اللي هو الاسبوع اللي راح واخذ رقم جديد وقالها اللي بيننا انتهى وهي صارت تسبه هذا كلامه
كارهه زوجي اللي كلمة ......قليله في حقه فين الرجوله والشهامه والمروءه طاح من عيني والله واتوقع ماعد في مجال للاحترام حسبي الله ونعم الوكيل