رحت معاه امس ..
دخلت البيت وكنت مرتبكه لدرجة دائما اسبقه .. هالمره مشيت ورآه .. حتى الاضآءات مافتحتها هو اللي فتحها..
قال هذا كنب اشتريناه بالسعر الفلاني وهذا مطبخ اشتريناه بالسعر الفلاني وتعالي اوريك .. هذي شنط جهزناها كنا بنسافر تركيا بس الطقس الان مايناسبنا.. يقصد شنطي اللي لميتها..

الموهم دخلت ولبست وجيت جلست بالصاله عنده .. حسيت بالخجل كأني اول مرا اجلس عنده ..

ما خلاني اتكلم ..
مر الوقت وانا احس اني فعلا مع شخص غريب .. شعور الحب كان معدوم ..
طلبت منه نتكلم بعد جهد جهيد سمع كلامي .. وكل ما اقول شي يرجع لموال انه مو وقته ..

كلمته عن تدخلاته وعدم ثقته فيني
برر انه هو مايقصد انه مايثق فيني بس هو لما يقول رأيه الناس تحسه يتأمر وهذا أسلوبه حتى بالدوام.
قلت له افصل بين حياتك مع كل العالم وحياتك معايا .. انا ابغى راحة وهدوء وتفاهم ما ابغاك بكل مرا تقسى وتعاقب وتتعامل معايا بنديه..


تكلمت معاه ع قدر الضغط قلت له بذمتك مو من اول اليوم وانت جالس تستفز فيني؟
مو قلت لك انا تعبانه جسديا ونفسيا ؟
مو ترجيتك لا تتعرض لي ؟
مو انت اللي طلبت مني اطبخ بالقدر وانه انت زي كل مرا تقفله ؟
قال المطبخ شغلتك .. خلاص ماعاد أتدخل ابدا
قلت طيب يقولوا في قدر ضغط آمن ..
قال ما اعرفه .. بس أشتريه لك اذا تبغيه ..
تكلمت معاه عن بنته وكيف انه يتدخل بكل شؤونها اللي تخصه واللي ما تخصه
قال ماعاد أتدخل .. بنتك وانتِ حره فيها
قلت مو لهذي الدرجه بس في أشياء تهمك وتتدخل فيها واشياء لا
قال أبشري ..
قلت والبنت اللي كلمتني
انفعل .. ارتفع صوته شوي .. قال مو وقت عتب .. انا مشتاق لك .. قلت وقته .. انا مات الشوق فيني
قال عمري ما حبيت احد قد حبي لك ومازلت
قلت أسعى انك ترجع محبتي القديمه لك ..
قال افهم انك ماصرتي تحبيني ؟
قلت مجروحه ..
قال وانا ماني مجروح ،؟ والله قلتِ لي كلام عمره ما احد قاله لي .. قال كل مرا اجي بيتكم علشان اقابلك واتراجع وانا بمجلسكم .. قال لكن جلست اسبوع أتردد ع الهاتف واشغل لكم نت سريع .. علشان أعرفك تحبي الأفلام وماهان علي لما اخذت المودم منك هذاك اليوم ..
قالت له : مين كان يعامل الثاني بقسوة .. مين اللي كان يتحركش علشان يعصبني ويبكيني .. ولما عرفت انه هذيك البنت كلمتني خليتني بهمي مافكرت تعتذر لي .. او حتى تبرر لي .. وعلى فكره للان ماسمعت منك اعتذار عن اغلاطك بحقي ..
كلام كثير ويلف ويدور ..
قلت له البنت هذي انا عارفه أنها .... وانها... كلام سَيّء طبعا .. لكن انت ؟
انت اللي مديها وجه وماشي معاها ..
ايش تدور ؟
انا مقصره معاك ع .. ؟
قال وربي لا
قلت طيب والحب .. الحب تدور عنه بعيد عني ما انت عارف حجم حبي لك ؟
قال والله اعرف والله وانا احبك والله ما أحب بحياتي غيرك .. حتى زوجتي هذي الفتره تغيرت للافضل وتحاول اني ما ارجع لك لكن عارف انها كذابه .. انا اشوف الحب بتصرفاتك بعيونك بكلامك ..
جاتني ارتجافه وما تحملت وجلست ابكي وانا اتكلم بس مو بكا بصوت بس دموعي تنزل وأطل بجهه ثانيه غير اللي هو فيها واقول طيب ليش ؟ طيب انا ما استاهل هذا كله ؟ والله اني انظلمت منك والله ماستاهل هذا كله .. حاول يهديني ويقول معليش سامحيني انا ورايا مشاكل كثير وقام يكرر امي زوجتي أولادي ديوني وزاد عليهم هذي البنت .. وجلس يقول انا خايف راشي ينفجر بيوم من التفكير
قلت له علشان البنت تهددك ؟
قال يوووه البنت والبنت ترى والله حاظرها من كل ناحيه .. انسي البنت ..
كلام كثير كثير كثير دار بيننا .. مدة تواجدي معا كانت سبعه ساعات ..
واتفقنا نبعد عن المشاكل .. هو يحاول يكون لين ومرن اكثر .، وانا بهدأ واسمع كلامه ..

لما كلمته عن البنت قال بالله في وحده تقدر تقول فلان نام معايا وانا الان مو بنت ؟
يعني المفروض انها تستر ع نفسها مو تفضح بنفسها قدامك..
وعلى فكره هي تكلم زوجتي وتسجلها وتسجلي وتسجلك ..
قلت له عندي فكره .. الشيطان شاطر لو فرضنا انه انت غلطت معاها والإنسان مو معصوم من الغلط .. عندي حل .،
ماصار يطل فيني وسكت هو
قلت ليش ما تكلم امها وتقول لها بنتك لو مابعدت عني راح ارسل لابوها محادثاتها وصورها وووو
وقول لامها انه عندها جوالين وخليها تتلف اللي فيه صوتك وخلصنا ..
قال لا مافي شي من هذا كله هذي بنت مريضه قفلي ع الموضوع انا مشتاق لك وما ابغى اعكر مزاجي اكثر .،

بلحظه من اللحظات وانا بحضنه بكيت بهستيريا اقوله ليش ليش ضيعت من داخلي احلا المشاعر كانت لك .. يقول كل شي يرجع احسن من اول ان شاء الله
قلت اللي انكسر ما يرجع زي اول



وصادقه انا اللي انكسر ماعاد يرجع زي اول






بالنسبه كيف عرفت ..،
امس محد كان يدري اني معاه
حتى امي ما عرفت اني وديت بنتي بيت اختي ورحت معاه البيت الا متأخر قبل ما اجي بساعه يمكن

__________________