منتدى عالم الأسرة والمجتمع - عرض مشاركة واحدة

14-12-2015, 03:21 PM

#11745

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي شوب الصبايا (٣)

اقتباس:

المشاركة الأصلية كتبت بواسطة سديم الذكريات14

ماشاء الله تبارك الله تسافري وترجعي بالسلامة
شما ماتفقدك ماتبكى لما تتركينها

الله يسلم غاليج فديتج.

والله يا سديم الخوف من مهرة.

هي أكثر وحدة لصقت فيني من صغرها .. وكانت أكثر وحدة تزعل وتصيح وتعمل فيلم هندي لما أسافر.

وحتى في طلعاتي الروتينية هي الوحيدة اللي كل شوي تتصل وتسألني: يا ماما متى بترجعين .. يالله عاد تأخرتي.

لكن عموماً أنا معودة عيالي إني ممكن أطلع وأخليهم .. ودايماً حريصة إني أعطيهم خبر إني باطلع .. وعمري ما طلعت في الخش بدون ما يدرون .. ولا كنت أحب فكرة إنهم يتفاجؤون إني مب موجودة.

ومن ناحية ثانية لما أسافر عيالي يكونون مع أمي (أم زوجي) وعماتهم (بيتي وبيت أمي متجاورين وما في فاصل بينا) .... صحيح الخدامة معاهم في البيت .. لكن الحق ينقال أمي ما ترضى تخليهم طول اليوم بدون ما تشوفهم وتتطمن عليهم.

وعمتهم الكبيرة دايماً حواليهم عقب ما تخلص دوامها .. وأحياناً مهرة تتدلع عليها وتقنعها تنام معاهم .. مع إني كنت أقول لها ماله داعي وخليهم ينامون بروحهم لأن الخدامة معاهم .. لكن هي ما يهون عليها تكسر خاطر مهرة.

وأمي لما عرفت إني باسافر أنا وزوجي قالت لي: (روحي واستانسي ولا يهمج ولا تحاتين اليهال ما دام أنا موجودة) .. وقالت جذي من نفسها والله مع إني ما وصيتها لأني أعرف إنها تعبانة وما تقدر على سوالف اليهال.

إجمالاً الأمور تعتبر تحت السيطرة .. صح يصير شوية صياح ويشتاقون لرجعتي .. لكن باقي الوقت أمورهم طيبة الحمدلله.

__________________

اللهم طِيبَ الأثر .. وحُسْنَ الرحيل.