كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي شوب الصبايا (3)
يسعدلي مساكن يا جميلات الكوفي 🌷🌷🌷🌷
كيفكن ان شاءالله بخير
مهورتي ان شاءالله تكون رحلة من ضمن الرحلات القادمة الحلوة واللي بتضل بالذاكرة
بتعرفي من 11سنة ونص رحت رحلة بحرية من ايطاليا للبنان كانت رحلة من العمر لا تنتسى
وان شاءالله تكون رحلتكن من ميناء انكونا منطقة كتير قديمة واثرية وحلوة
وما تنسي مهورتي تصوري الدلافين
واجمل شعور وقت تجلسي عالتراس وتشوفي القمر وتشمي ريحة الماي بالليل مع لفحات من النسيم
بس وقت ما يكون في ضو القمر بتشوفي كل شي حوليكي ظلام دامس ولون المي اسود هون بدنا قلب قوي 😁😁😁😁
عم امزح الرحلة كلها على بعضها بالبحر حلوة
وان شاءالله تعيدي الرحلة البحرية مرة تانية بفصل الربيع بتكون قمة الروعة طقس وبحر وطبيعة
انا متلك بترك الولاد مع اهلي عادي وقت كون عندهن
ووقت ولدت ميامين بلبنان طلعت على سويسرا اسبوعين وتركت ولادي عندي اهلي واخدت البنت معي لانو كانت بالخمس اشهر
كان عمري ابني الكبير 5سنين ونص والوسطاني سنتين ونص ولا سألوا عني هههههه
وهلئ دايما بتقلي اختي ابعتيهن للولاد اذا ما بدك تنزلي والولاد بكيفوا بقولولي ايه ماما بنبقى عند خالتو والتيتا لوحدنا
باقي الصبايا كيف الاجواء عندكن
انا المود نص نص من البارحة 😓😓😓
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه