المستجدات
البنت ما تركتني في حالي خصوصا بعد ما غير زوجي رقمه وفقدت الامل صارت ترسل دعاوي عليه
ذكرتها بالله والخوف منه فقالت مستحيل انت زوجته اش هذا البرود وماكانت مصدقه واتصلت وكلمتها وجلست تعيب فيني وقالت اتكلمي بصوتك الحقيقي ليش التصنع طبعا انا كنت اتظاهر بالهدؤ فقالت ترا زوجك شافني نظره شرعيه واخويه جلس معاه واتفقنا
هي تقول شي و زوجي شي
جلست مع زوجي واتكلمت معاه وقالي هي كذابه ولو هي صادقه المفروض بعد ما اعتذرت عن خطبتها تنسحب لكن عشان تعرفي كذبها شوفي كيف تلاحقني وبعد ما فقدت الامل فيني صارت تسبك وتتطاول عليك يقولي صح كانت سبعه شهور معها بس هي اغوتني صارت توصف نفسها وتقولي شغلات خلتني اتمادى معاها واصرارها الغريب على الخطبه يقول خطبتها عشان اسكتها وبعد كذا يقول صحيت على نفسي وعرفت اني ارتكبت جريمه ورحت اعتذر من اخوها
وفتح صور المحادثات اللي ارسلتها وقالي شوفي ايش مسميتني باسم بنت يعني هي تلعب من ورا اهلها لو خاطبها من جد كان عادي حطت اسمي لانها تقولي كل اهلي يدرون اني اكلمه
سالته فيني عيب او جاك مني قصور قال لا والله انك كامله ومافيك عيب العيب فيني انا
قلت اذا تفكر بالتعدد او مبيت النيه سالتك بالله سرحني فقالي هذا الموقف اللي حصل خلاك تكبرين بعيني صبرتي وسترتي علي وحافظتي على بيتك وعلى سمعتي والله ما انسى جمايلك عليه واني احطك على راسي يابنت الشيوخ وجلس يسلم على راسي
ما اقول غير عسى الله يجبر كسر قلبي