السلام عليكم

حياتي متّزنة وجميلة .. ولا تخلو من بعض الخلافات كأي حياة زوجية مستمتعة

ولكن في شي تاعبني .. دايم اذا اختلفت مع زوجتي اتنازل خوفاً من حساب رب العالمين

ان اكون قد ظلمتها ام لا !

اليوم اجازتي من العمل واول ما صحت زوجتي من النوم جلست على الجوال لمدة 3 ساعات

ولا كأني موجود وكل شوي اقولها ( اليوم ابي غدا كويس عشان كل يوم دايت اليوم اوف )

قالت اوكي .. ومطولة عالجوال ( وش تبين اغراض من البقالة ) ردت بشكل مزعج : اف مالي خلق

طيب دقيقة خلني اشوف وش ناقص .. نست نفسها عالسناب شات وعدت لها السؤال وردت بصراخ

بس ازعجتني بكثرة كلامك وأسألتك .. وقالت اول شي اخلص شغل البيت وتالي اسوي لك غدا

على كذا راح اتغدى 4 العصر ! وهي جالسة من 11

واللي حرق قلبي اني مواعدها نطلع وننبسط .. وغير كذا جلست قبلها ومن باب المساعدة

كان عندها اختبارات فاينل وماخليتها تطبخ وساعدتها بكنس البيت ماخليتها ترتب ولا تنظف خلال

الاسبوع الماضي لتراكم الاختبارات ..

ممكن انا فعلاً ازعجتها نوعاً ما بس هي ما حطت لي قدر انا ووقتها كلو عالجوال

(( انا شخصيتي قوية ومتزنة وحكيم وجامعي علم نفس اعرف لها لكن يوم اجازتي ماحب اتشادد معاها
حتى لو هي الخطأ عشان لا اضايقها و))

والآن انوي اعتذر عن عدم الاجازة بكون عندي شغل كثير والأساس رايح اطلع اتونس مع نفسي والشباب

لأن مالي نفس اطيب خاطرها ..



ماهو رأيكم هل أظلمها أم اكون صارم ؟؟

(تم تعديل العنوان ليتناسب مع المضمون)