ياجمال ردودكم

اشكركم جزيل الشكر على الاهتمام بموضوعي ومشكلتي ومحاولة المساعدة

كلامك صحيح خاله بيتا وذكر لي مرة اني صرت اشيل هم اني اخلص قبلك وما اشبعك فصرت اشيل هم من البداية

بس ماكنت اصدقه واعتبره عذر للهروب مني لأنه كان بنفس الفترة للأسف يتابع أفلام إباحية وكنت اتقطع من الألم النفسي اللي خلته يفضل الافلام علي وأنا محتاجته وكنت حتى ترويشته اسأله عنها ليش تروشت وصرت أشك وأوسوس بشكل جنوني وهو السبب في هذا كله

وفي احد الخلافات بسبب تقصيره معاي قلت له انك تتابع الافلام وتفضلها علي وترفض الحلال وتبغى الحرام وانا ماعمري قصرت ولا عمرك طلبتني وقلت لك لا وانفجرت باكية

قال لي بالحرف الواحد انتي تقولين ماتشبعين ففضلت اني ابتعد!!

وقال انتي نشبتي لي ماتخليني اتنفس والصراحة كنت اخاف من جلسته وحيد عشان مايتابع الافلام عشان كذا كنت ما اخليه يجلس

قلت له انك انت السبب وانت اللي خليتني اشك فيك وفي نفسي قبلك حتى كلمة حلوة ماتسمعني حسستني اني ابشع بنت في العالم بهروبك مني واعجابك بتمثيل

وقال مثل ما انا دخلتك في الشك والوسوسة انا باطلعك منها باذن الله ومن يومها ماعاد لاحظت عليه اي شي يشككني الحمدلله بس التقصير لسى ماتغير يعني السبب مو الافلام

ردودكم جميلة نفعتني واقنعتني ولا مانع من زيادة الردود والآراء

شكرا لكم جميعا فردا فردا فتحتوا عيوني على اشياء كانت غايبة عن بالي