زينو حبيبتي بارك الله في الاعضاء ونصائحهم وجعل كل حرف في ميزان حسناتهم
وانا مع العزيزات دودو وهاجر وهند بكل حرف قالوه
زينو زوجك انسان ومش ملاك ولا معصوم واي انسان ممكن تفلت اعصابه منه ومع كل شي اللي عمله غلط
اما بالنسبة لسؤالك شو بعد الصفعة ؟؟؟؟؟
اللي لازم يصير انو تتعوذوا من الشيطان وتعتبروا اللي صار بصير مع ناس كتير مش بس انتوا وهالشي واقع وكلنا بنعرف فيه
كم مرة سمعتي انو فلان دايما بيضرب فلانة مع انه لا بحبها ولا بيحترمها وزائد خيانات وهيدا بالذات شخص ما لازم ينسكتله ولازم ينوضعله حد
كم مرة سمعتي انو فلان ضرب فلانة بلحظة غضب ومن دون وعي وندم واعتذر
وممكن ناس بنعرفهن ان كان اصدقاء او معارف او ...الخ
هل معناتها انو ننظر للشخص اللي انضرب نظرة غلط وهل لازم يشعر بالخجل ؟
فاول شغلة لازم تنسي الكلام اللي كتبتيه حبيبتي زوجك انسان محترم وانت نفس الشي والطيبون للطيبات
و ممكن يصير اكتر من هيك بين الزوجين بالرغم من حبهن لبعض والبيوت اصرار ما بتعرفي شو في بكل بيت

تاني شي لازم تتعاونوا اتنيناتكن كرمال ما تتكرر مرة تانية

وانا اول وحدة ضد الضرب ان كان اضرب او انضرب
وخاصة الاولاد بس بلحظات من دون وعي وقت كنت بلبنان اضرب الولد ولو ضربة وحدة مع انو بكون متحكمة باعصابي عالاخر وبندم اشد الندم وبعتذر وباكل بحالي وقول مستحيل عيدها بس بعرف انو ممكن مرات ما رح اقدر اتحكم باعصابي وممكن عيدها

فيكي تاخدي حقك من زوجك كرمال ما يكررها بطريقة ترضيكي
وبنفس الوقت فيكي تشتغلي على حالك كرمال تناقشيه بنفس الطريقة اللي بناقشك فيها وهالشي حلو انو الانسان يحل اموره بنقاش هادئ وخاصة الموقف ما كان بيستاهل منك انك تعصبي وتكبري الموضوع
وبنفس الوقت يا زين بعرف انك عم تمري بوضع متعب
وقبل الصفعة انت قلتي انو طلع يناقشك بهدوء طيب يا زين ليش ما ناقشتيه متل ما ناقشك
ليش تفكيرك بزوجته خلاكي تعصبي ويعلا صوتك ويكبر الموضوع وصار اللي صار
شو استفدتي من هالشي


زينو لتتوازن مشاعرك وامورك
خلي محبتك لربك اول شي
وانت تاني شي
وتالت شي قسمي الدرجات بالتسلسل متل ما بدك ان كان لاهلك لزوجك او اصحابك شو ما كانت الصلة


وبالنسبة للوسواس روحي لعند طبيبة واتعالجي علاج سلوكي اذا ما بدك تاخدي دواء
لانو الوسواس يا زينو وقت يقدر يسيطر عالانسان بصير مدمر وهالشي لا بايدك ولا بايد اي شخص مصاب فيه

زينو حبيبتي فينا شي مشترك انو بنشوف النصف المليان من الكأس
وهالشي بيساعد كتير ان كان بحياتك الزوجية او بتعاملك مع باقي الناس

الانسان وقت يكون بمشكلة ومتألم منها وبالرغم من كل هالشي بينظر للجانب الايجابي صدقيني هوي اللي رح يطلع الكسبان
وحصني نفسك يا رفيقتي واستودعي نفسك وزوجك وكملي حياتك من دون النظر الى الخلف
بعتذر منك افكاري مش متناسقة ولا متسلسلة عم اكتب وبنفس الوقت عم حضر عشا
دعواتي ترافقك يا رفيئتي
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه