شكرا لكلماتكم ، كبيرة علي ، واذا عندي نعمة فهي من الله سبحانه ما لي فضل فيها... الله يجبر بخواطركم جميعا ويقضي حاجتكم

بقايا أمل و حظي حلو وقلوب حائرة .. احترم آرائكم ، قد تشوفون الامر ضعف وهالشيء ما يزعلني ولا يضايقني في النهاية مهما كان اللي تشوفونه اعرف انكم تبون لي الخير* ...
لكن لما اصارخ عليه وارفع صوتي واهدده واحذره .. هل هالشيء بيخليه يحترمني ؟ أو بيخليه يقول اوه ليش صفعتها ؟
هل لما هو يغلط ويمد يده .. انه بعد اغلط واقلل ادبي عليه ؟
هالشيء بيقربني منه ؟ ولا بيحببه فيني ؟
ردة الفعل العنيفة ممكن تردعه .. بس ما بتردعه حبا فيني ولا بسبب تأنيب الضمير
بتردعه تجنبا لردة فعلي .. هل ابي هالشيء ؟ لا
ابي كرم اخلاقه و رجولته وحبه فيني وضميره الحي يردعونه....
يمكن يكون ضعف .. لكن زوجي ما يجيبه الصوت العالي .. ولا التهديد .. ولا روحتي لبيت اهلي .. مو هذا مفتاحه أبدا .. هالاشياء تخليه ينفر
اللي سويته بغض النظر صح او غلط .. هذا هو المفتاح الوحيد لزوجي..
القوة ان اتعالى على جرحي واسامحه .. ويوم اللي اغلط بحقه او بحق احد اكيد ما ابي منه الا يسامحني

وهذي صفحة وطويتها من لما باس راسي واعتذر

باقي اشتغل على نفسي .. قربة لربي ثم عشان نفسي وزوجي

__________________

حاجة الناس إليكم من نعم الله عليكم ، فـ لا تملوا النِعم ☁✨