لفت نظري هذه العباره ..
دايما زوجك يكرر هالشي
اذا هو عطاك فانت اعطيتيه اضعاف اللي عطاك اياه ...عطيتيه قلبك وافعالك الفاضله وتصرفاتك الطيبه
وشي طبيعي الفعل الطيب لا يقابله الا الفعل الطيب

زوجك بصراحه مانن عليك بعطاياه
وللاسف ضريبة هالشي يستقعد عند كل خطأ صدر منك ويعاقب ويعطيه اكبر من حجمه
بالمقابل انت تسامحينه على اخطائه الكبيره وهذا من طيب اصلك اختي ..

عند كل خطأ اما يعاقب بتهديد بالطلاق وهو شي غير مقبول شرعا

انت يازين ملاك يمشي على الارض نحسبك كذلك والله حسيبك ..
اذا كان زوجك تصفينه بالرجل الفاضل فأنت افضل منه بمراحل وانت ضحيتي علشانه اضعاف تضحيته

بس انت ماتشوفين نفسك ،،ماتشوفين الا هو
قلبك يتجاهل نفسك ويفتح على الاخر ان كان المعني زوجك ..

خلاص يازين
الصفعة هذي ماتعطيك مؤشر انه مافيه شخص احن والطف علينا اكثر من انفسنا ووالدينا ..