رد: ما بعد الصفعة الأولى/ مستجد رد 122
قلوب..
العمر اقصر من ان احمل عليه من اول غلط
أو تكون ردة فعلي عنيفة من أول زلة له
باجر بيكون يوم مصيري في حياتنا
احتمال تتقرر له سفرة لمدة 3 سنين الله لا يقوله
وما نشوف بعض خلال كل هالمدة...
شبستفيد لو ضيعت هاليوم وآنه زعلانه ؟
محبتي لنفسي وتقديري لها ما تتعارض مع اللي سويته
ولو لا سمح الله كررها مع اني واثقة ان ما بتتكرر بيكون تصرفي مختلف
ما ابرر له ضربه... ومو مسموح بهالمنهج بتاتا تحت أي ظرف كان...
بالعكس هالكف كان اهانة لي..
بس حاشاه ان يتقصد يهيني.. او يجرحني
مع ذلك الكف اللي صفعني نفعني... وعيت على ضرورة ان اكون متزنة حتى في محبتي وعطائي.. وان لازم احب نفسي ايضا واسعى لراحتها مثل محبتي وسعيي لراحة زوجي
اسيرة له ؟ اذا كان يستاهل فليكن...
ولد الناس ما شفت منه الا الطيب
ببداية حياتنا اثنينا ارتكبنا اغلاط وتجاوزناها مع بعض
لما صار الرجال شايلني ومسويني يا دهينة لا تنكتين اتفرعن واقول له لا من اول غلط ما باسامحك ؟
لو انه اللي غلطت ابيه يسامحني من اول اعتذار
فليش لما غلط ما اسوي له نفس الشيء
انه سامحت بمزاجي.. سامحت لاني ابي اسامح
لاني احبه
لانه شايلني شيل... من زمان ما سمعت منه كلمة لا
على لسانه ان شاء الله وحاضر ومن عيوني
استحي اقول قدامه ان خاطري بالشيء الفلاني
لان ادري بياخذه لي مهما كان الثمن....
عموما اقدر لكم اكيد حرصكم وخوفكم علي
__________________
حاجة الناس إليكم من نعم الله عليكم ، فـ لا تملوا النِعم ☁✨