المشاركة الأصلية كتبت بواسطة mimomea

اختي الكريمة دايما المشكل بيكبر من اشياء صغيرة ووقت يدخل الشيطان بيفقد الانسان السيطرة على نفسه

انت غلطتي وزوجك غلط وهوي عرف حالو غلط وكرمال هيك قدم اعتذاره وحاول يحضنك
اذا بدنا نحاسب بعض على كل شغلة رح نضل عايشين بصراع ونقاتل بعض ونحاكم بعض


وفي نقطة وقفت عندها وقت قلك انو ما خليتيني كمل كلامي هون ممكن كان عنده حل للولد وفكر انك اسأتي الظن فيه وبكيفة تعامله مع الطفل
الحل انو ما تخلوا بقلبكن شي مهما بدر منكن اثناء الانفعال
لانو الانسان وقت يعصب بيحكي من دون وعي
وزوجك مبين من تصرفه انسان مرن وبيسامح وبيتقبل النصيحة وبيهمه رضاكي

الافضل انكن تجلسوا جلسة مصارحة وتشرحيله انو الكلمة اذتك كتير
وانو شو بتقصد انك تضربني بابنك وهل كنت رح تنفذ كلامك
صفوا قلوبكن واحكي اللي بقلبك
وروحوا عالمكان اللي خطط الو زوجك وانبسطوا الحياة قصيرة والعمر بيمر بغفلة
والمشاكل ما بتخلص بين الزوجين
وبالنسبة لسؤالك اذا بنرضى هالشي
للصراحة الشخصيات بتختلف
وانا ما برضى بالاهانة وبنفس الوقت اذا صارت ما بزعل اكتر من كم ساعة
لان وقت كون معصبة بحكي كلام مش موزون وما بوعا على حالي شو حكيت
فمتفقة انا وزوجي شو ما صدر مننا وقت الغضب واي حدا صدر منو كلام او تصرف غلط انو ما نحط بقلبنا ونعتبره فشة خلق
ولا نحاسب بعض ولا نضل زعلانيين
ممكن ناخد موقف لنهدأ بس ما بيدوم كل النهار
وبعدين ممكن ما نرجع نحكي بالموضوع وممكن بجلسات المصارحة نحكي

اسأل الله ان يسخركما لبعض وان يرزقك السعادة دنيا وآخرة

احترامي