وعليكم السلام ورحمة الله وبركاته اخي الكريم

بالنسبة للسؤال :
في طرق كتير بيعرف فيها الزوج او الزوجة انو الشريك بحبه
وقت يكون تعبيره صادق وافعاله وتصرفاته كمان فتلقائيا رح يعرف الشريك ويميز بين الحب وبين العشرة
وقت بيشوفه الوحيد من بين كل الناس بالرغم من سلبياته
وقت دايما يردد انو محظوظ انو هالشخص كان من نصيبه
وقت يقول لو رجع فيني الزمن بختار نفس الشخص ومتل ما هو
وقت ما يتخايل نفسه مع شخص آخر

بالنسبة اذا ضروري وجود الحب
بالنسبة الي اكيد ضروري يكون الحب موجود من الطرفين والا ما بقدر استمر ولا بقدر واجه الصعوبات والتحديات
وحياتي الزوجية إنبنت على الحب بنسبة كبيرة

اما ذكر الصفة في حال كانت بتتطور وللافضل ومش تعجيزية اكيد بخبره من دون تردد بس بطريقتي وهي الطريقة اللي بيتقبلها مني الشريك ونفس الشي هو بيخبرني وما عنا حساسية تجاه الموضوع لانو ازيلت كل الرسميات من وقت أسسنا حياة مشتركة

اما في حال اكتشفت انو شريكي ما بحبني للصراحة ما بعرف شو رح يكون تصرفي بوقتها لانو بعمري ما اتخايلت اني كون متزوجة وبنفس الوقت الحب غايب او مفقود


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه