خالة بيتا صحيح اختها جربت هالطريقة بس ممكن زوج اختها يختلف عن خطيبها كليا
ممكن زوجه اختها يتقبل منها
بس خطيبها للصبية ممكن كمان فترة بسيطة وبعدين يقلب السحر عالساحر
يعني بدل ما تبني بيتها بتهدمه بايدها
وفي حالات وقت تكون العلاقة الخاصة بين الزوجين ناجحة وعرفت تدخل قلبه وتمتلك مفاتيحه ولو كان اعند شخص مع الناس رح يلين معها
ياما سمعنا عن حالات سواء من الرجال او النساء مثلا يقولوا عقلاته صعبين واخلاقه ضيقة وما حدا بيقدر يمون عليه ولو كانو اهله
وبتلاقيه وقت يتزوج طلبات زوجته اوامر وبيحتار كيف يرضيها وبيتحول لشخص تاني
فممكن هالزوجة عرفت كيف تتعامل معو وعرفت من اي باب تدخلو

وكمان بنسمع انو البنت عند اهلها بتكون كباية الماي ما بتجيبها وعايشة بدلال وما بتحب تحمل اي مسؤولية ووقت الزواج بتصبح انسانة تانية بتحمل المسؤولية وبتكون قدها وعشرة على عشرة وخالتي وحدة منهن

كل شخص الو طريقة واسلوب لنتعامل معو
طيب هيي بعد ما عاشرت خطيبها تحت سقف واحد ولا عرفت طباعه
على اي اساس حكمت انو هالطريقة رح تنفع معها

ممكن تدفعه للخيانة او الزواج وكل خططها وافكارها بتذهب مع ادراج الرياح
وسمعنا بهيك قصص
هيدا كله بميل ومن الناحية الشرعية والاثم بميل تاني

خالة انصحيها انو تحط هدف براسها ترضي ربها ثم زوجها وتبدأ حياتها الزوجية صح
وتمتلك قلبه وهيدا اكبر سلاح بخليها توصل لاي شي بدها ياه من دون ما تكون عواقبه وخيمة

الله يهديها ويسعدها بحياتها القادمة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه