صح معك روح الطير هيدي المواقف بتصير مرات بشكل يومي بين الازواج ومرات بشكل اسبوعي
وما بنوقف عندهن
لانو اذا عند كل كلمة بدنا نحاسب بعض ونزعل رح نصير متل الغرباء
ورح نوقف لنتصيد كل كلمة وكل تصرف بدر بلحظة غضب
ورح نضل زعلانين من بعض
ونتعود عالزعل ويصير من روتين حياتنا
الحياة فيها من النكد والحزن بما يكفي
فخلينا نطنش ونكمل وما نضل نرجع للخلف
خلينا نتنازل لبعض لانو نحنا المستفيدين
وقت يقولوا شخص ركب عقلاته على فلانة
مش معناتها انو حياتهن مثالية
بس فهموا بعض وبيتنازلوا لبعض وما بيعقدوا الامور ولو كانت كبيرة
المرأة بتملك قلب وعقل الرجل وقت يحس بأريحية وقت يحكي ويتصرف قدامها
وقت يحس عم ينعم بالحرية وهو معها
وقت ما يقيد حالو ويراقب كل كلمة بدو يقولها او تصرف رح يتصرفه تلقائيا معاها
وقت ما يحسب حساب كيف بدو يتجنب زعلها وكيف بدو يعرف اذا هالشي بزعلها او لاء
حلو العفوية بين الرجل والمرأة يعني نكون مختلفين وبعدو الشجار طازة
وننسى انو زعلانين من بعض وتلاقي واحد منهن يبادر بالكلام ويضحك ولا كأنو صاير شي
ويكسر الصمت والجمود ويخلي الحيوية تدب بحياتهن

بحاجة دايما لليونة بالحياة مع المواقف اللي بتصدر من الشخص التاني
وخاصة ان كان في سبب لهالمواقف

وقت انا اتنازل لا شعوريا رح يتعود شريكي ويتنازل الي
وقت انسى كلامه الجارح رح يصير ينسى كلامي الجارح
وقت اعطيه من دون مقابل رح يعطيني من دون مقابل
لازم مررلو هفواته ليمررلي هفواتي لانو اتنيناتنا بشر ومعرضبن للغلط باي لحظة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه