زهرة نيسان عنجد ذكريات لا تنتسى والاجمل عالاطلاق
كنا نضحك ببراءة نعمل مقالب ببراءة ما كنا حاملين مسؤولية ولا بنعرف شي عن هموم الحياة
عنا معلمة الفلسفة كانت دايما تشد على حرف الجيم وتعمل حركات بايدها كتير اثناء الشرح
فهيدي رفيقتي عطول تقلي الله جميل ويحب الجمال وتشد على حرف الجيم وتقلدها بالنطق
وكنا نبدل اماكنا اربع بنات مع بعض وكان المقعد بالصف لشخصين فكتا جالسين بمقعدين ورا بعض ونبدل كل مرة مع رفيقة فوقت تقعد رفيقتي قدامي تصير تحط ايدها ورا ضهرها وتعملي حركات معلمة الفلسفة
وانا اغمى من الضحك وما استوعب شي من الدرس
وكنت محظوظة انو ما تسألني المعلمة هيي وعم تشرح
لانو تعرف عطول بكون حافظة فآخدة عني فكرة اني عم افهم الشرح فتركز اسألتها على اللي ما بيحبوا مادة الفلسفة لتشوفهن اذا عم يركزوا بالشرح
والا كنت اتبهدلت لو كانت تسألني لانو بكون مغيبة من ورا الضحك 😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه