صادقة ، بس هو اللي بدأ و دفني بقوة ..
و صرخ علي بدون سبب ، و قال ( بعدي كذا ) .. و مكشر ، ما كان يمزح ..
و من يوم صحي و هو قالب وجهه ..

كلها عديتها له و طنشته .. مع إني تضايقت من صراخه ..

.
.

و هو أصلا مباشرة ينقلب للوجه البشوش و يبدأ يلطف الأجواء ، لما يشوفني ( بدأت أقلب و انقلب ) ..
( اعرف طبعه و حافظته و خابزته ) ..

يعني لو استمريت مثلا عادي و بلعت بنفسي ، و جلست اكلم الأولاد و اضحك معاهم و معاه ..
كنتي لقيتيه جالس طول الوقت مكشر ، و يصرخ عالأولاد و ممكن يضربهم و ممكن يتمادى و ينكد علي بزيادة ..

لكن شافني بديت أتغير و أزعل ، على طول بدأ يلطف الأجواء و يقلبها مزح ..

.
.

ترى أنا ما أزعل أبدا على الأمور هذه ، بس مرات اضطر أمثل عليه ..
عشان لا يزودها .. و يبدأ يتوقف ..

و هو ما يحب الحرمة اللي كل شي تقول له طيب ..
و لا يحب اللي تطول بالزعل ..

.
.

عشان كذا ، أقول لأحبه حبيبي ..

إنها تمشي على طبع زوجها و تفهمه ، مو لإنه هو الرجال و هي أنثى و ضعيفة ؟
لكن عشان بالأخير ( هي اللي راح تحصل على كل شي تبغاه ) ..

.
.

أولادي لما أصحيهم من النوم بدلع و مزح ، و حبيبي و قلبي ووو إلخ ..
تلاقيهم ينكدوا علي يومي ، و يطفشوني ,, و يرفضوا يغيروا ملابسهم عشان الحضانة و يعاندوا ..

صرت اضطر مرات و أنا اصحيهم ( أعمل بوجهي عقدة التكشيرة ) بس تمثيل ..
تلاقيهم يقوموا على طوووووول و يخلوني ابدل لهم ملابسهم و بدون أي عناد ..
و يبتسموا لي .. و طول الوقت يطالعوا فيا ، يستنوا متى أفك العقدة ..

( طالعين على ابوهم )
ما ينعطوا وجه ..

.
.

أحبه ..

كلنا نبغى مصلحتك .. و كلنا تغيرنا و ما كنا كذا أول ما تزوجنا ..
و مازلنا نتعلم و نصحح