المشاركة الأصلية كتبت بواسطة OMnonaa

لي فتره مادخلت المنتدى حتى موضوعي ماكملته ...
دخلت اليوم وقريت موضوعك
احبه نفس الاسطوانه تتكرر ..
احبه الكل نصحك ومازلتي معنده
بكون واضحه معاك ولاراح اطبطب عليك
لمصلحتك حتى لو زعلك كلامي...
احبه انتي شايفه مافيك شي يجذب عشان كذا اثرت عليك هالكلمه لو انتي واثقه من نفسك كان كلمته ماثرت فيك هالكثر
لو انتي مهتمه بنفسك صح كان عرفتي انها كلمه استفزازيه مثل كلمتك له حقت السفره لو انا مكان زوجك بزعل بقول بدل ماتقولي بالعافيه ي حبيبي هني ع قلبك وتروح تبدل ملابسها وتكمل الاكل معاي جايه تعطيني اوامر ليه ماحطيت سفره بدل الصحن ..

حاطه زوجك تحت مجهر تكبري اخطاءه
وشايفه انك صاحبة فضل عليه ..
وتمني بينك وبين نفسك ع الاشياء اللي تسويها له اذا ماهي من طيبة خاطرك لاعاد تسويها..
ليه حارمه نفسك احبه من المشاغل والدلع
دلعي نفسك روحي مشاغل اهتمي بأدق التفاصيل بنفسك بدون اسراف زايد
يعني مع كل راتب مرا تروحي المشغل وتدلعي عمرك مااظن بيقصف من الراتب شي كثير ...
احبه احنا نشوف اللي عيونك منعميه عنو وجالسين ننصحك حابين لك الخير مانبغى منك جزاء ولا شكورا ...
استوعبي كلامنا ..
لاتروحي تعتذري له بس غيري جو البيت
حيجيك غصب يعتذر..
بخري البيت وعطريه..
شغلي الاضاءات الخافته والفواحات
غيري مكان الاثاث لو بحركات بسيطه
سوي لك حمام مغربي بالبيت
غيري من تسريحة شعرك الاعتياديه
سوي قهوه وحلا بسيط وتعالي عند التلفزيون هالشي لك مو له وحطي لك كم شمعه سوي لنفسك انتي جو
ابتسمي لنفسك ي شيخه مو له...
احبه لا تسهلي امر الطلاق الله لايذوقك اياه ويبعده عنكم ..
والله انو صعب وابتلاء كبير اسأل الله الفرج لكل المطلقات ولكل مهموم...
زوجك طيب وابن حلال وحابك وانا اشهد له
بس خوفي من تصرفاتك بيجي اليوم اللي يعافك فيه
تقولين زوجي مايحتويني
انا اشوفه محتويك بطريقته هو مو بطريقتك بس انتي مو شايفه هالشي..
انتي بنعمه يا احبه ومو شايفه هالنعمه..
حتى لو عندك نقص مافي احد حياته كملت له هذي الدنيا ..
الله يرضى عليك اقري كلام الاعضاء استوعبيه بعقلك مو بقلبك ...