رد: اريد الذهاب لطبيب نفسي
يا ماما عمرج صغير ! اي تنازلات واي احلام اللي راحت!
اعرفج بنفسي... مطلقة سابقة
تطلقت عمري 20 سنة
وتطلقوا معاي كذا وحدة من معارفي
بالجامعة و صديقات المدرسة
كانت ذيك السنة هاب موسم الطلاق..
ما اشوف وحده منهم.. ومن ضمنهم محدثتج ما توقفت حياتنا!
واذا على الخيارات بالزواج
بتكونين اكثر نضجا..
ترى اللي اعرفهم وبعمري وبعمرج تطلقوا كلهم تزوجوا عزابية
عدا ثنتين اعرفهم تزوجوا بمطلقين يدون عيال
انه الوحيدة اللي خذيت واحد متزوج - بإختياري وكان عندي الخيار ان اتزوج عزابية....
وكملت دراستي بالجامعة اللي اساسا ما توقفت بزواجي ولا بطلاقي
واطلع واروح وارجع عااااادي جداااااا
ليش مصعبة حياتج جذي!
وكأن الحياة توقفت
وان كارثة صارت لج..!
واضح ان ابوج متفهم فمعناته مو صاكين عليج اهلج..
😊 استمتعي بحياتج... ما صارت كارثة ترى
__________________
حاجة الناس إليكم من نعم الله عليكم ، فـ لا تملوا النِعم ☁✨