انا اكثر انسانة قرات عن هذا الموضوع
حتى الدراسات و قوانين الوزارة و الامارات المختلفة مثل امارة مكة او الرياض قراتها

هي ماراح تواجه مشاكل
و هو ماراح يكسب من وراها شي لو كان متعلم و يعمل بشهادته
الا في حالة واحدة اذا كان تاجر فيقدر يفتح محل و يكون السجل التجاري باسمها "هذي الميزة الوحيدة"

بالنسبة لابنائها
الحين ابناء المواطنة اصبحوا مساوين لابناء المواطن
في التعليم و الصحة و و
بس ممنوعين من الابتعاث ع حساب الدولة "و هذي انا ما اعدها مشكلة"
بالنسبة للعمل في القطاع الخاص "تصدر لهم بطاقة خاصة على انهم ابناء مواطنة و يعاملون معاملة خاصة جيدة"

بالنسبة لطلاق و ترمل المواطنة بعد زواجها من غير المواطن .. فلها راتب الضمان .. حالها حال المتزوجة من مواطن "و هالكلام من مصدر موثوق بوزارة الشؤون"
تبين وجهة نظري بالموضوع ؟
كونه يمني فهذا يعني تقارب العادات و التقاليد لانه من الجزيرة العربية .. مهما اختلفت العادات يظل التقارب هو الاساس .. حتى بالملامح و ربما اللهجة.

تساله هل هو مستقر هنا ؟ هل ينوي الاستقرار هنا ؟
ايش هي خططه المستقبليه؟ هل ممكن يرجع لليمن ؟
هل اختك تتكيف لو رجع هناك ؟
لازم تحط كل هالامور بالحسبان

و طبعا قبلها تشوف عمله اذا كان قوي
و اخلاقه اذا كانت عاليه و سمعته طيبة
هي توازن بين الامور
و تشوف اذا مميزاته قوية و تقدر تتكيف مع ثقافة ثانية
الله يوفقها .. لكن اهم شي ما تتاثر بكلام الناس او وجهة النظر المجتمعية.