اقتباس:
المشاركة الأصلية كتبت بواسطة موت النخيل
ونعم الأم
ما شاء الله
الله يلهمك الصبر و لا يهبط أجتهاداتك
يا حلوهم التوحدين أحبهم أحبهم
فعلا هم أذكياء ، شاهدت بعيني أكثر من نموذج من أصدقاء ومعارف وكل واحد مختلف عن
الثاني وبعض الأعراض تختلف من واحد للثاني.
لا تشيلين هم الدواء بالعكس يساعد على التركيز ويقلل من الحركة، نعم الأعراض المبدئية
تأخد اسبوع اسبوعين وبعدها بتلاحظين الفرق وهالشي بيساعد في تحسنه ، لاتقولين
بخفف من الاكل والشيبسات حلو هالشي بس الدواء ضروري جدا ويساعدك في تعليمه
أصلا اغلب الحضانات والمراكز يوجهون الاهل وينصحون بالمتابعات الطبية واخذ العلاج علشان
يساعدهم بعد في التعليم.
ملحوظة:
أغلب الأطباء يفضلون أعطاء هذا النوع من الأدوية بعد عمر الثلاث سنوات.
نقلاً من صديقة مقربة في مدينة الملك فهد الطبية ، كانت من ضمن البرنامج التشخيصي
لمرضى التوحد ، مع العلم ان المدينة تشخيصية وليست تأهيلية يعني البرنامج يشخص الطفل
ويوجهون الاهل للمراكز فقط ، وعندهم عيادات لمرضى فرط الحركة ممكن تفيدك بعد
وأحسنت بالمبادرة وهو بعمر صغير لان الأستجابة تكون من الطفل أقوى وأثمر
أذكر قابلت أم كبيرة في العمر الله يمدها بالصحة في مصلى سوق وسألتها عن طفل معها،
بعد ما جا جلس جنبي يكفخ فيني شوي ويسولف معي شوي ، أعتذرت وقالت :
توحدي و عمره اربع سنوات وقلت انهم ينحبون وجاني الرد منها :
" هذا الطفل غير مجرى حياتنا بالكامل تعاوننا وتشاركنا انا وزوجي وعيالي كبيرهم وصغيرهم
خلانا نجلس اكثر مع بعض ، هذب سلوك وصفات كثير فينا ، علمنا الصبر وتعلمنا نضحك،
وعلمنا نقرأ اكثر ونبحث اكثر واشياء كثير"
الله يخليه لك وتشوفينه مثل ماتحبين واكثر.
|
امين الله يجزاك خير على كلامك
فعلا هم جميلين ومرحين وحنونيين بس اوقات على قولتك يكفخنا بس ياحلوها يده وهي تشاكس
الحمدلله تدخلت وكان عمره سنه وتسع اشهر تقريبا
اذكر كنت اجيبه المركز كانوا امهات يحبطوني
ليه ولدك تجيبينه وهو صغيير وولدك طبيعي
طيب ياناس انا امه واعرف مصلحته وماجبته وتعنيت الا واعرف ان هنا مصلحته
مفروض يشجعوني
للاسف عيالهم كبار وتوهم يكتشفون هالشي فقلت لهم وش استفيد لو تدخلت وهو عمره سبع وعشر
ابي اتدخل قبل الخمس لانه العمر الذهبي للاكتساب والتغيير
والله اغلب الناس يضحكون ويستهزئون
اول ماعرفنا رحت ابكي لااهلي
كلهم استهزوئوا فيني وضحكوا وقالوا خليه هبلتي فيه
تدرين ليه
عندنا جهل جهل عظيم بهذا الموضوع
انا اتكلم من تحت تجربه ومن واقعي
لازم الام تنتبه
لما تنادي طفلها وهو بعمر ثمان وتسع شهور وماينتبه
ومايلاعبك ويقلدك باي باي ويصفق اعرفي انه مو طبيعي واذا لحقتي بدري قدرتي تلحقينه بالطبيعين
فيه اشياء تقدر الام تستدل منها
حتى الاكل اذا مايستصيغ كل الاكلات الي تاكلها الاطفال اذا دايم عنده عسر هضم
اذا يحط ايدينه باذانيه اذا مايتفاعل ويخاف مع الاطفال
اذا عطيتيه لعبه وماعرف يلعب فيها مثلا سياره وشقلبها ولعب بكفراتها يعني مو طبيعي
اذا الللعب التخيلي والمحاكاه مو موجود يعني يحتاج تدخل
اذا يلعب بالاشياء الدائريه والاسلاك اكثر شي
ومرات يضحك ومرات يبكي بدون سبب
كلها تدل على انه مو طبيعي
الله يهدينا للصح ويكون معنا