القصة وما فيها زوجك يريد أن تبتعدوا هذه الإجازه وتغيرون جو
أنتي تريدين البقاء معه وفتح الملفات السابقة ومناقشتها

لم يرضى زوجك وأصر على وجهة نظره
طلبتي الطلاق

صمت زوجك ولم يطلقك
جرحتي كرامته وأهنتيه وذليتيه بالمال

صمت أيضاً ودعا لك

والله عجزت أفهمك يا أختي
أنتي لاتحتاجين مصارحة زوجك بل تحتاجين مصارحة نفسك
ماذا تريدين بالضبط ؟
هل تريدين الطلاق ؟ الطلاق الذي تذكرينه مع كل موقف !

خلاص شوفي أنتي تقدرين تستمرين معاه أو اتركيه وتحملي قرارك
لكن مسألة تجلسين معاه وكل شوي تجيبين طاري الطلاق هذي ماتصلح أبد

مشكلة يا أختي تونا متكلمين قبل كم يوم وقلنا لاعاد تعطينه فلوس عشان ماتمنين
ومع ذلك قلتي مسكين ويوجعني قلبي عليه وبعطيه كـ زكاه لأموالي
والآن جايه تقولين بآخذ منك السيارة و كل شيء دفعته

الغريبه انه ساكت وماقال شيء
لو مكانه والله ما أناظر وجهك بعد هالكلام ولاتجلسين بذمتي أبد

يمكن يكون محتاجك فعلاً عشان كذا يتحمل المن وطلب الطلاق كل شوي لكن إذا خلصت الحاجه ماراح ينسى هالكلام وبيطلقك وممكن يهينك ويذلك

الله يعينه من جد خربت سفرته بعد كلامك هذا
مشكلة يرسل ويقول إذا تبين أغراض قولي لجارنا
يعني تقولين ماراح أرجع ابد وبطالبك بفلوسي وعادي ترجعون لبعض ؟
خلاص الواحد إذا قال الكلمة يصير قدها أو يصمت
أسألك بالله وجاوبيني بصدق : هل فعلا تريدين الطلاق لما قلتي باخذ أغراضي ولا عاد أرجع ؟

وش الحكمة من الكلام إذا ماصار يحكي الواقع !!
مو كذا لفت الإنتباه .. هذا طلاق مو لعبة .. محد قالك لاتتطلقين
لكن لاتقولين كل شوي اللي بيننا انتهى وترجعين .. حددي موقفك عزيزتي

سامحيني أختي لكن ياليت تركزي مع نفسك شوي وشوفي حياتك وش تحتاج
إصلاح أو إنهاء ؟
واتخذي قرارك بنفسك واعرفي نتيجة كل قرار ممكن تاخذينه
لاتنسين تستخيرين ربي
والله يكتب لك اللي فيه خير