تذكرت نقطة ، انت لا تبحث الجودة تكون واو لانه اصلاً مارح يكون لك اسم معروف الحلا بالنهاية راجع للمقهى . فهمت علي ؟ يعني لا تدفع كثير وتدور اغرب الحلاءات واشياء تحتاج جهد ومال لأنها بتطلع لك خسارة ..

- عندك البسبوسة جدًا ناجحة ، محبيها كثير وطبخها سهل مو محتاجة جهد .. والسميد وجود الهند والحليب الباودر اسعارها معقولة وتقدر تشتريها من الجملة او السوبر ماركت . وتزين بصحون القصدير الخاصة بالسوفليه .. وممكن تحط خيارين منها بقشطة وبدون قشطة ..

- السوفليه برضو جدًا مرغوب وطريقة تزيينه سهلة عن طريق خليط الكيك الجاهز ب15 ريال ل15 كوب والكوب الواحد القصدير ب7 ريال .. بيطلع لك ربح 105 ريال !

- التشيز كيك ما افضل تسويه لسبب ان طريقة تزيينه متعبة صراحة وتستهلك وقت ومقاديره غالية ، ولو رفعت سعره ماحد راح يشتريه ومو كثير يحبوه " لكن " ممكن تسويه كتجربة مثلاً بس يوم الخميس بالصحون الشفافة وابحث عن طريقة تشيزكيك بارد لأن الصحون ماتدخل الفرن . وأكيد سعره مايقل عن 15 ريال ..

- المصابيب محبيها كثير وطريقتها جدا سهلة بس تصببها ع حجم ميني ووزعها بصحون بلاستيك وعند التقديم تسخن بميكرويف ويصب عليها العسل .
- بالشتاء الاغلب يدورون الحلاءات الشتوية اللي تقدم دافية مثل البسبوسة والسوفليه والكنافة والمصابيب وهذي اللي انا بنفسي بطلبها لو رحت كافيه بهالوقت .

طريقة التقديم والنظافة بشكل عام هي اللي تشجع الناس انهم يشترون .. سؤال : المقهى عوائل أم أفراد ؟