سبحان الله ذكرتني باللي مضى أنا كنت مثل زوجتك ولكن كنت اطبخ في بيت اهلي مقدار كبير وماكنت اعرف الاكلات الشعبيه فقط صواني مكرونه وخضار واشياء متحضره لكن زوجي طقه قديمه يعني انسان يحب اكل الشعبيات عانيت معه كنت متطوره احب الأكلات الجديده وهو لا يحب الشعبيات حتى القهوه العربيه ماأعرفها كنت اتفنن بالكابتشينو والموكا يعني اكلات بسيطه
بأخبرك كيف تعامل معي أول 3أشهر جاملني وبعدها قالها بوجهي بصريح العباره مافيه مطاعم رضيتي اهلا وسهلا مارضيتي بيت اهلك موجود
واتذكر لما كنت عروس ورطني مع اهله قال لهم اني طباخه سويت لهم مكرونه بالنقانق وادمنوها بسببي بعدها حاول فيني اطبخ لهم ارز ورفضت ضبطته مره بعدها جبت العيد وصار مره مطعم ومره في البيت وكره المكرونه بسببي ومره اندومي مأساه كلما اتذكره ارحمه لكنه قسى علي كثير ماجاملني أبدآ
وحملت ومن سوء التغذيه تعسرت ولادتي وبنتي صارت نحيفه من قل التغذيه كنت جدآ مهمله لكن وقتها كان عمري17
فأنفصل عني زوجي بعدها تعلمت الطبخ وتفننت في بيت اهلي وخليتهم حقل تجارب واذا زاد ارسلنا للجيران ولما رجعت لزوجي كان ينتقد القهوه ماأضبطها وهم في قبيلتهم اذا ضيفو ضيف قهوه مره او غير مضبوطه معناها اهل البيت مومرحبين بهم حاولت وكان يذم ويصرخ بوجهي وكل يوم ارسل لأهله قهوه وشاي لأن أبوه من كبار القبيله وباب بيته مفتوح وكل مغرب عنده رجال وصارت الان قهوتي كايفه يكيفون عليها اهله والرجال الي يجون ابو زوجي اذا ماارسلت قهوه يفقدها وحتى المصابيب (الرصع )كنت احرقها وحالتي حاله الان الحمدالله مضبوطه صارو الرجال يسألون زوجي عن مصابيبي ولاتضبط معهم مثلي ياما بكيت وانهرت من نقده بس كنت اتحداه لأجل اثبت له وصار يفتخر بي امام اهله وحتى الان أزواج خواته يسألون عن مصابيبي وخواته زعلو مني يقولون ان ارجالهم يقولون تعلمو من زوجه اخوكم وحسيت بفخر لما واحد من قبيلتهم مزاجه شين وصعب يعدل رسه فنجال قهوه ومواي قهوه تكيف راسه يقول زوجي لما كنت اصب له قهوتك جاني الهم لأنه ينقد بالوجه ويشهر بين الرجال يقول فز قلبي لما قال قهوتكم وش فيها يقول زوجي سبيتك في نفسي ولعنتك لكن لما قال قهوه رايقه من مسويها زوجي تشقق وقال زوجتي قال زوجتك هذي راعيه كيف
بعدها زوجي صار يفتخر بي ويفتخر انه سنعني على قوله
والله عن تجربه انا لما يرخي زوجي معي ماأهتم ولما يشد علي اجتهد
وبصراحه الان غالبيه الجامعيات كذا للاسف قريباتي فيه منهم جامعيات حتى اختي جامعيه والله ثم والله
مايظهر تفننهم الا بالعزايم انبهرت من اختي لما سوت اكل منوع من 9اصناف لأهل زوجها وهي عندنا وعنظ زوجها اكل عادي او مطعم اقولها بصراحه الشده تنفع بهالامور الان انا اسوي قرصان ورز مثل العزايم واتفنن وكل هذا بفضل الله ثم تأديب زوجي لي
أدبها بأدب أو خيرها بين الطبخ والطلاق لأنها ماراح تنفعك لوجاك مرض من اكل المطاعم كثرتها تسبب امراض خطيره
انت جربت اللين جرب القسوه والنقد وحتى وان كان الطعم لذيذ لاتبين لها كل عادي
هي ضامنه انك تحبها وتغليها ومتطمنه لذلك مطنشه هالناحيه
ذكرتني بصديق زوجي تزوج بنت ملكه جمال مافيها عيب ابد الا انها ماتعرف تطبخ جاملها وماطل بالاخر الرجال انفجر راح لها قال جهزي اغراضك بنروح لاهلك وراحو ولما تركها عند الباب قال لاترجعين الا متسنعه وراح واليوم الثاني اخذ اغراضها وكل شيء لها وارسله لها وقال لأبوها ماينفع جمال واخلاق والحرمه ماتعرف تطبخ بنتك ياعم ماتلزمني سنعوها واتفق مع ابوها بخطه عليها قال ابوها طلقك انهارت وبكت وتعلمت واجتهدت تركها سنتين عندهم وامها وابوها يدرون انه ماطلقها وهي تظن انها مطلقه وكلما انخطبت اهلها يرفضون بالاخر ضيفه ابوها على الغداء شاف اصناف كثيره صارت تطبخ ذبيحه كامله وتسلخها وسنعه وصار يعزم اخوياه لأجل يقهرهم بطبخ زوجته لذلك خلك حازم بعض الاحيان
اذا حست ان الموضوع جدي بتحس على دمها لكن لما تشوفك ساكت وتجاملها ماراح تعبرك

__________________