اليوم اختو لاول مرا تتصل اول مرا احد فيهم يتصل عليا من اهلو
المهم اتكلمنا سوى ووضحتلها انو ليش الله يهديه باع اللي بيننا وفجاة طلقني بدون سبب مقنع
واهلي احترموه ومحد فيهم اتكلم وفي الاخير قام وطلقني وخرج
ويرسل رساله طويله عريضه لماما وهيا مسافرة ونكد علينا والله

المهم اتكلمنا وقلتلها كل اللي في قلبي انو الحياة يبالها صبر واغلب مشاكلنا تافهه وهوا على كل شي يروح ويقول لاهلي
ومافي خصوصيه بيننا الله يهديه ويصلحه في كل شي يدخل الاهالي فينا
وياما متزوجين بتسير بينهم مشاكل واكبر من كدا ومع ذلك الحمدلله بتستمر الحياه وماطلقو ولاشي

المهم قالتلي بدي ادخلك مكالمة جماعيه دحين معاه قلتلها لا معليش
قالتلي طيب انا بدي اقفل منك واكلمه وبعدين حخليه يتصل عليك
قلتلها يسير خير ان شاءالله

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟