حبيبتي كنافة الحمدلله على التقدم الملحوظ اللي صار ماشاء الله تبارك الرحمان
وبالنسبة لاخر موقف عادي حبيبتي بتصير كتير ومتل ما صار صريح معك كون معو صريحة
ووقت قلك رجعتي لبرودتك خلي جوابك يكون انو كنتي كتير مصدعة بس ما حبيتي ترفضي طلبه
وشوي شوي كوني جريئة معو بالكلام
والافضل مرة هيك ومرة هيك
لانو حلو تجمعي بين الجرأة والحياء
بتصير الك شخصية مميزة ما بتغيب عن فكر زوجك ابدا
وبالمرة التانية عوضيه هيك بتقتلي الملل والروتين وبتفاجئيه
وبتصيري متل لغز بحيره
ما بيعرف كيف رح تكوني المرة الجاي

وما دام صار يربط كل شي بهيديك الشغلة زيدي ثقافتك اكثر
وبس يسأل شو هالتغيير او كيف اتعلمتي قوليلو تلميذتك

وطنشي كتير وخدي كلامه بضحك وحولي الموقف لفكاهة في حال قصد شي وما عجبك او جرحك
خلي ثقتك بنفسك عالية

وما تندمي عاللي راح بعدكن باول حياتكن والعمر قدامكن ان شاءالله
ومع مرور السنوات رح تحسي كل سنة اجمل من التانية بكل شي
كل شي بيزيد ان كان بالنضج او بالثقافة او بالتفاهم او بالحوار او بحل الخلافات او بالاحتواء او بسهولة فهم الآخر ...الخ

والحمدلله عرفتي مفاتيح زوجك وصار سهل التعامل معو
وكل مرة رح تكتشفي مفتاح ورا مفتاح

ربي يسعدك دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه