المشاركة الأصلية كتبت بواسطة ورد..

شوفي بحكيلك عن نفسي انا وعيالي
كان نظامنا مثلكم بالضبط نسهر طول الليل ونوم من الفجر للعصصر يووووه نظام متعب ومرهق مافيه ازين من نوم الليل ابداً ..
كنت اشكي وابكي لأمي ولزوجي ولكل من فتح معي سيرة السهر والكل يمطرني بالنصايح بس انا كنت كذابه ما احاول انظم اوقاتنا اخليها مثل ما جت تجي لدرجة كان زوجي ينام بالليل وانا واطفالي سهرانين ع التلفزيون والاجهزه يصحى يروح دوامه وحنا ننام ..

انقلبت الموازين من يوم توظفت صرت مجبره انام بدوي وانيمهم لاني اخذهم معي لدوامي اخليهم بالحضانه .. انتظمنا في اقل من يومين غصب مو بكيفنا واللي زادنا نظام ان ولدي التحق هالسنه بالروضه فصارت حياتنا نظاميه يعني صلاة العشا مافيه حياة في البيت الكل منخمد ماعدا انا طبعاً استغل هالوقت في البيت انظف او اغسل او اكوي او اجهز دروسي ..

فإنتي اما انك تنظمين وقتكم بعزيمه وارادة او تنتظرين شي قوي ينظمكم بالغصب .. بس اقترح عليكي يوم تصحين عيالك ع الساعه 8 او حتئ 9 وتطلعون من البيت اعتبريه يوم مفتوح لهم اتركيهم يلعبون ولا ترجعون البيت الا ع المغرب او قبل المغرب بشوي حمميهم واكليهم وبيكونون هلكانين وبينامون و من هاليوم بتقدرين تنظمينهم وتنظمين وقتكم كامل

بربرت كثير صح ههههههه