السلام عليكم ورحمة لله وبركاته
حقيقة يااخوان انا اشتركت في هذا المنتدى لحاجتي الماسه للمساعده لأن الموضوع حقيقة مااقدر اتكلم فيه مع اي شخص ,,,وانا عايش في قلق وتوتر لايعلم فيه الا رب العباد
اتمنى تساعدوني وترشدوني للطريق الصحيح للتعمال مع هذه المشكله.

انا متزوج لي حوالي 5 سنوات ولم أرزق باطفال الى الان ..وفي الفتره الاخير كثرت الخلافات بيني وبين زوجتي واصبحنا لانستطيع ان نتحمل بعض
علاقتنا الحمد لله مستقره ومشاكلنا كلها بسيطه وتنحل بنفس اليوم والحمدلله من دون تدخل أي حد,,,أحب زوجتي كثيرا وهي تحبني كثيرا ...نعيش في وضع مادي متوسط ومستقر ولله الحمد ولا عندنا اي ضغوطات او امراض او اي مشاكل نفسيه او اي سواببق عنف بيننا ولله الحمد

ان رجل محافظ وعندي خط احمر عند موضوع الحجاب ...فلا احب ان وجتي تتلثم او تكشف وجهها ..الخ والموضوع هذا عندي فيه خط احمر ولا اقبل التنازل فيه

المشكله حصلت ان زوجتي كانت عند اهلها وانا كنت بعيد عنها واستأذنتني تخرج من اخواتها فوافقت وخرجت..تفاجأت بعد فتره طويله من الخرجه ان اخذت جوالها وشفت لها مقطع وهي كاشفه وجهها مع اخواتها وراكبه مع السوتق وجالسه تتصور وتهز براسها على أغنيه مشغله بااسياره

انا لما شفت المقطع الدنيا اسودت في عيني ولم استطع التحمل وناقشتها على طول من دون اي تردد ... وقلت لها ليش كشفتي وجهك وانت مع رجل غريب ..تفاجأت اني شفت المقطع وقالت ماكان في احد بالشارع واول مره والله اسويها ...وماكشفت وجهي الا عشن اتصور فقط.
طبعا مبررات كانت كلها غير مقبوله عندي ,,,وقلت لها خلاص لاعاد تتكلمي معاي انا الان متوتر ولا ابغى اقول شي اندم عليه...والله يااخوان اني لم استطع ان انام تلك الليله من كثر التوتر ولم استطع الاكل الا لقيمات تقمن صلبي.

جاتني تعتذر لكني مارديت عليها وقلت لها انت خنتي الثقه الي عطيتك هيا...انا معطيكي الحريه المطلقه ولا اني مقصر عليك بشي وكل ماطلبتي تخرجي اسمح لك بالخروج ,,,لكنك كسرتي نفسي وخنتي ثقتي فيك .

المشكله ماني قادر اسامحها ابدا ولا اني قادر اطالع بوجهها من كثر قهري وحقدي عليها وجاتني اليوم تعتذر مني ..وقلت لها انا ماعاد عندي حل الا اني اطلقك صراحه لأني ماني قادر اتحملك او اسامحك.

ايش الحل يااخوان او التصرف الصحيح بهذا الموقف...انا متأكد فعلا انها اول مره تسوي الشي هذا وماعاد راح تكرره..لكن قلبي وصدري بينفقع والله من كثر ماهو مليان من حقد وقهر على تصرفها والي سوته معيي.

ساااااااااعدوووني ارجوكم.