رد: متى بيمر من جنبي ومايهتز داخلي شعرة ..فضض
اقتباس:
المشاركة الأصلية كتبت بواسطة للأمل حكاية
والله ياإشراقة أحاول أمسك نفسي وماأسأل عنها أبدا بس هو يظطرني للكلام عنها زي
مثلا يحاول يحسسني انه تعبان ومقهور ومتألم عشاني ومو سعيد مع اني عارفه انه عايش حياته ومبسوط وسعيد وانهم طول الوقت يتراسلون وغزل وحركات فأظطر أذكره بهالأشياء
أو يحسسني اني مشتاق لاكلك وابغى تسويلي اكل أرجع اذكره انت كنت تبغى وحده تطبخ اكل بلدي هذي عندك خليها تسويلك ليش جاي تكلمني
تعرفي انك بتحطي من قدر نفسك لما تتكلمي بهذه الطريقة؟ !!
هذا قصدي لما قلت لك لا تجيبي سيرتها خير شر..
أنا ترا ما بأقول لك كلام نظري، انا زوجة أولى برضو وجربت كل الطرق الين وصلت للقناعات اللي لخصتها لك بس بعد روحي ما طلعت وطاقتي استنفذت..
أو لما ينام بيومي في بيتنا يقول انا ماعندي احد مو عارف انام ولا برد وأنا ماعندي غير هالبطانية احسه يستفزني بهالكلام يعني انا إيش وضعي يوم كنت اقوله إحنا متعودين على بعص وبالبرد نتدفى ببعض والحين صرت انام لحالي وانت من وحده لوحده يقول لكن أنتي أحسن مني تشوفيني ثاني يوم أما انا ماأشوفك الحين أرجع اقوله روح عندها مامنعتك خليها تدفيك لاتحسسني إني أنا الظالمة وأنت المظلوم وعلى هالنمط كثييير
نفس أسلوبك اللي فوق، جدا كريه بالنسبة للرجال ولا يطيقوه !
خلاص ماعاد ابغى اصدقه ولا ابغى ارجع زي اول أنا رضيت اجلس وامسك عيالي وهو تركته لها خليهم يستمتعوا ببعض لين يشبعوا لانكدت عليه ولا جالسه احاربها عليه
انا قلتله انت اخترت طريقك اللي فيه سعادتك وأنا صح انكرت في البداية بس اجبرت نفسي وثبت
وجالسه اعينه عالعدل ومعطيته صلاحيات لو يبغى يروح لها بس طالبه منه شيء واحد لا يحسسني بوجودها بس مايقدر لازم يتكلم ويرجع يقول انا على نياتي انا اتكلم معاك بحسن نية
ساعات اقوله ترى أذكرك انا انثى ولي مشاعر وأحب وأغار بس انا واقفة ضد نفسي ورغباتها وجالسه أجاهدها واعودها عالبعد لاني إذا قربت ابغى كلك وأبغى ارجع زي ماكنت وماراح اقتنع بالنصف لكن إذا ابتعدت أحس إن مالي حق فيه فمشاعر الغيظ اللي تصيبني احاول اكتمها واقول مالك حق يابنت
كلامك اللي حطيت تحته خط، مستحيل !
تبغي تكملي معاه زي ما قررتي، حياتك لازم يكون فيها رمادي ، مو يا أبيض يا أسود..
من خلال كلامك ما حسيتك وقفتي له وقفة جديه وبكل ثقة ووريتيه حدوده، هو يتكلم وإنت تردي رد أنثى غاضبة بكل عواطفها !
كوني حازمة معاه ولا تجيبي طاري أي أي احد .. اوزني كلامك وخليك أكثر ثقة بنفسك
خايفة ياإشراقة من الرجوع او إني أعطي نفسي هواها واشبع انوثتي منه خايفة أنتكس أقل شيء في السنتين الاولى
خاصه ما عندي شيء حاليا يشغلني عنه الوظيفة مستحيلة الدراسة مأجلتها بعد النادي
النادي بعد ماأنهي الأمور الطبية اللي لازم أخلصها
|
مين قال قصدي انك ترجعي عاطفتك كلها له؟ طبعا، لا !
ولا يلدغ المؤمن من جحر مرتين..
باختصار: وظفي وجوده كرجل وزوج وأب لمصلحتك من جميع النواحي .. وفكري نفسك بايجابياته كل ما غضبتي.