بياض موحش ، صوت مزعج، ألم فضيع ، مكان غريب !!
فتحت عيوني بصعوبه مصاحبة ألم في الرأس فضيع جداً ونور مزعج يعكس ع عيني أغلقتها وفتحتها ثانيه وهكذا إلى ان تعودت عيوني ع النور ،، حاولت ان افهم أين أنا وماهذا المكان الغريب !! صوت مزعج ومخيف حاولت أن ألتفت يمين او يسار لكن كان هناك ع رقبتي حاجه تمنعني من الإلتفات رفعت يدي بصعوبه لأتحسس ماهذا ووجدت ع يدي وصلات بها دم واُخرى مغذي << سيروم>> وهله وتدخل عليّ إمرأه غير عربيه برداء أبيض << ممرضه>> تمتمت بصعوبه ..
ليـ ش أنا هنـ ـا،،
ماردت ع سؤالي فقط تتفحصني وتتفحص الأجهزه ثم مسحت ع راسي وأبتسمت وتكلمت بلغه ماأفهم منها شي ..
خوف تملكني من المكان ومن الوضع اللي أنا فيه رجعت أسألها ثانيه موضحة أنزعاجي منها
وين أبـوـي نادي أمــي وينهم ابيهم << حاولت تهديني وتهدي حركتي لكن ماأستطاعت خرجت مسرعه وعادت مع ممرضه ثانيه ودكتور أمرهم بأن يعطوني مهدئ ونفذوا كلامه حاولت أبعدهم صارخت وبكيت ووسط الألم صرخت أناديهم وليش مايردون وينهم الدكتور حاول يسكتني : خلاص اهدي حالتك ماتستحمل كل هذا ،، كان يتكلم بس ماقدرت أفهم اللي يقوله بسبب تأثير المهدي اللي كنت أحاول أقاومه عشان أفهم لكن داهمني الظلام وأرتخى جسدي ..
وبعد كم ساعه مرت فتحت عيوني مره ثانيه لكن كانت أسهل من ذي قبل ، فتحتها ع رجل به وقار من ملامحه وحززن كبير في عيونه إنتبه لي وإبتسم : الحمدلله ع سلامتك ي الغاليه
بتعب :الله يسلمك ي عمي ، وين أبوي أمي وجدي وليش أنا هنا وش صاير لي وليش انت لوحدك هنا وينهم ؟!!
العم يحاول أن يتماسك ضغط ع يدي بحنان : قل لن يصيبنا الا ماكتب الله لنا .. وإن الله مع الصابرين .
حسيت بقبضه ع صدري قبضه قويه ناظرت في عيونه بعد ماصابني ثقل بلساني ماقدرت أنطق
ناظرت أبحث عن خبر يكذب إحساسي وينتشلني من الألم اللي سكن جسدي وخافقي لكن خانته عيونه وطاحت دمعته وقال : إن لله وإنا اليه راجعون ،،
فتحت عيوني ع وسعها : من ؟
غمض عيونه ألم ونطق بالفاجعه: كلهم الله يرحمهم ويغفر لهم
حسيت بالأختناق حاولت أتنفس لكن ماقدرت رفعت له يدي يساعدني خاف وخذني لحضنه وضمني : أذكري الله ي ابوك وترحمي عليهم وتذكري قول الرسول عليه الصلاة والسلام ( إنما الصبر عند الصدمة الأولى)
حاولت أصرخ أبكي لكن شي ما ضغط ع صدري أكثر وأكثر وأنكتمت أنفاسي وأرتخى جسدي وماشفت غير الظلام ..
وفي يوم آخر صحيت وحصلت عمي وزوجته موجودين ناظرتهم بألم ودمعة كافيه تعبر لهم عن إنكساري وضعفي وبحنان مسحها : الله يرحمهم ويغفر لهم مايجوز ع الميت الا الدعاء
أنا : كيف صار ؟
حادث وأنتم راجعين من العمره
بألم ودموع : كلهم ماعداي ليش طيب كان خذوني معهم
زوجة عمي : إستغفري ربك مايجوز هالكلام أهلك هذا يومهم وكلنا راحلين وهالدنيا فانيه عليك بالصبر والدعاء لهم
العم :الحمدلله ع كل حال والحمدلله اللي تلطف بحالتك وشافاك إنت هنا لك مايقارب شهرين ونص منهم من قال احتمال تدخلين في غيبوبه ومنهم من قال راح تصحين لكن فاقده نعمة البصر او الذاكرة لكن الحمدلله قوة رب العالمين فوق كل شي فوق الأطباء وخبرتهم
صدمه وأمتلت عيوني دموع : شهرين ونص يعني راح عزاهم وانا هنا
العم ضمني لصدره ثاني : لاحول ولاقوة الا بالله .. أبكي وانا عمك ابكي وطلعي كل اللي بخاطرك علا وعسى ترتاحين << ضميته اكثر وبكيت ع صدره حاولت افرغ كل الحزن اللي سكنّي لكن هيهات صار الدمع والألم رفقاء نبضي..
الفراق موجع وقاتل لو كان شخص كيف لو كان بأسره كامله أب أم جد اخ خوات كلهم بين يوم وليله تفقدهم تنام ع اخر وجه تودعه وتصحى ع خبر وفاتهم ..

اللهم لك الحمد لجلال وجهك وعظيم سلطانك ..
ومضه:
ماغاب ولكنه قدرٌ
والخير بما أختاره الله

قد مات فياليت عيوني
في كل منامٍ تلقاهُ

نختم هنا ولنا لقاء آخر إذا الله شاء..