رد: طلبت الطلاق مستجدات الرد543
اقتباس:
المشاركة الأصلية كتبت بواسطة ام مريمي
ابحثي عن وظيفة وقدمي فيها ،، لما تلقين عرض عمل مناسب وتكوني مستعدة للتوقيع هني خبري زوجج برغبتك بالعمل وان حصلتي من جانب اخوك ....
مسألة البدء بالكلام ،، انتي الاعرف بشخصيه زوجج .. نعم كما يظهر انه نفسسه طوويل وكما اعتقد ان والدته خبرته بموضوع الطلاق ولكن باسلوب معين يعني محتوى الرسالة وصل ...
هل تحبين ادخال اخوك في موضوعكم لحتى تنحط النقاط على الحروف ؟ ،،
|
ما أضمنه يا أم مريمي.
زوجي إنسان مكابر جداً وما أضمن ما يتجاوز أو يغلط على أخوي .. وما أبغي أعرّض أخوي لموقف مثل هذا.
ومثل ما قلت سابقاً .. أنا أعتقد إنه يغار من أخوي لسبب ما.
إذا تذكرون موضوع صورة أخوي .. زوجي تدرج في الانفعال لدرجة إنه كان يبغي يرمي صورة أخوي في الزبالة.
وإجمالاً بين فترة وفترة يستغل أي فرصة مواتية عشان يعلق على أخوي .. صح كله يكون بالمزح لكني فعلاً بديت أحس إن تكرار الشي يعطيه جزء من الجدية والتعمد .. حتى لو كان ظاهر الكلام غشمرة ومزح.
من ناحية ثانية .. أخوي متحامل على زوجي بسبب اللي سوّاه.
فمب حابة أفتح باب ماله داعي وأسمح لزوجي إنه يسيء لأخوي بالكلام بأي شكل .. وفي المقابل أخوي يرد وهو مشحون.
.
.
.
وعلى طاري الصور.
عندي صورة قديمة جداً بالأبيض والأسود لي أنا وأبوي الله يرحمه .. يمكن كان عمري فيها سنة أو سنتين .. كنا في حديقة ونايمين على الحشيش جنب بعض.
هالصورة حطيتها في برواز وحطيتها في مكان غير رئيسي في الصالة.
من حوالي شهرين وبدون أي مناسبة مسك الصورة وقال: ليش حاطة هالصورة هني؟ شيليها. (!)
قلت: شو مشكلتك بالضبط؟!!
قام شال الصورة وقال: ما أبغيها هني. (!)
ما كان يتكلم بغضب أو حدة .. وكان يتضاحك وكأنه يمزح .. لكني تذكرت انفعاله التدريجي بخصوص صورة أخوي واللي بدأ بطريقة مشابهة .. فقمت وخطفت الصورة من يده وقلت: حتى هذا بتغار منه؟!!!! .. أقسم بالله العظيم لو شلت الصورة من مكانها لتشوف مني شي عمرك ما شفته.
والصورة مكانها لين الحين.
__________________
اللهم طِيبَ الأثر .. وحُسْنَ الرحيل.