لملمت بعثرتي مره ثانيه وجمعت قوتي أخيراً وإلتجأت للي أرحم لي من أمي ورميت حمولي اللي قصمت ظهري وشكيت له خوفي وماقمت من سجادتي الا بعد ماسكن داخلي وهدأ << صلاة الوتر عظيمه والدموع فيها شعور لامثيل له من الراحه >>
نمت وأصبحت وأنتظرت عمي ع الفطور وكان الصمت سيد الموقف بديت بالحكي ،
أنا : السكر مضبوط << مالقيت مدخل غيره 😆
العم : تسلم يمينك
أنا : ويمينك ، أمم آسفه
رفع راْسه : على؟
أنا منزله راسي خجل : من الكلام اللي بذر مني
العم : المطلوب
أنا خنقتني العبره : تسامحني ماكنت أقصد إنت أعلم بحالتي ولاتلومني ع كلام بتلك الحاله
العم : نصيحه وانا عمك الكلمه إنتي تحكمينها قبل تطلع لكن اذا طلعت هي اللي بتحكمك لذالك قبل مانقول الشي نثمنه ممكن الكلمه تكون عاديه لك لكن لغيرك تكون عظيمه وتكسر وماتعود تجبر ، أنا مابكذب عليك وأقول ماتأثرت لكن ماأقدر ع دموعك الغاليه هاذي سامحتك ي غلا عمك
حضنته وتعذرت منه ووعدته آخذ بنصيحته في حياتي إبتسم لي وقال : اللحين صار للفطور طعم
إبتسمت له وكنت منتظره يسألني لأنه متوقعه كذا لكن أبد مافتح لي الموضوع إرتحت لو شي بسيط لكن ضروري أحط للموضوع نهاية مو عدل أكون ع توقع وترقب وخوف !!
خذلت لي ثلاث أيام أفكر بجديه وإستخرت خبرت عمي برأيي الأخير وإنتشر بسرعه وتم الأمور وع نهاية الأسبوع كنت جالسه مع بنات عمي في الحوش ونسولف جانا عمي وجلس معنا وجلسنا كذا نص ساعه نسولف بنفس السوالف بمشاركة عمي وبعدين غير السالفة : تدرون من كان عندي
بنت عمي الكبيرة : لا . من ؟
العم مبتسم ويناظرني: نسيبي
بنت عمي : زوجي ماقال انه بيجي
العم : لا
بنت عمي الثانية : لا وانا زوجي في العمل
العم يضحك : هههه ليش ماعندي بنات مرتبطات غيركم
زوجته: قصدك خطيب هديل
العم : ايه فيصل كان هنا
زوجته وش عنده
العم : جاري يحدد موعد الزواج
زوجته بصدمه مع البنات : اي زواج وأي تحديد اذا الملكة ماسويناها بعد
العم : صارت عنده ظروف مضطر عليها وأفرضت عليه بتحديد الزواج والملكة معاً
بنت عمي الكبيرة مزن: متى يعني ؟
العم وهو يناظرني: بعد شهر
الكل شهق الا أنا مافيه ردة فعل اللي كان عمي يترقبها، العم : وش فيكم بعد شهر ولا بكره ولا بعد سنه هي في النهاية له ليش نتأخر وكل أمورنا جاهزه ومترتبه لكن الفرق بدل الملكه زواج
زوجته : الا فيه فرق الزواج فستان ابيض وجهاز وامور ثانيه لكن الملكه فستان ليله وبس وشهر مايكفي لهذا كله
العم : لا بيكفي إن شاءالله تشتري المهم والباقي مع زوجها
بنت عمي الصغيره رهف : إنتوا تتكلمون وراي هديل ماسمعناه
العم : وش رأيك ي هديل
أنا : اللي تشوفه صح سووه وقمت عنهم
دخلت غرفتي ومسكت قلبي ليش قابضني كذا ليش خايفه يمكن لأنه زواج وحياه جديده ويمكن لأنه السرعه بحد ذاتها تخوف ولا لأنه للحين ماتقبلت الفكرة كنت بعطي نفسي وقت لتقبل الوضع بالملكه !! << وذه بحد ذاته خطأ لاتعزم ع خطوه إنت مش متقبلها ولاتعرف نهايتها إدرسها صح ثم إقدم >>
جلست أستغفر الله الين هدأ قلبي ثم ناظرت دفتري من صارت الخطبه مامسكته حنيت له وللحديث مع الشخص اللي يربطني فيه أخذته وجلست أكتب وأكتب وأكتب إلين غلبني النعاس نمت وتركت واقعي حالمه بغداً أجمل ومشرق غد يحمل بطياته الأمل اللي يداوي ألم قلبي !!

والحمدلله مر الشهر بسرعه متعب جداً جداً فراره بالأسواق وبرامج العروس اللي رفضت نص قائمتها لعدم حماسي للزواج ، خوف وكوابيس فضيعه أهلكتني كثير وكل ماقرب الزواج أكثر زادت كوابيسي 😰
شرطي كان زفتي من بيت عمي لبيت المعرس إحتراماً لحزني واللي باقي أثره فيني والحمدلله ماأعترض..
جا بوم الموعود يوم زواجي من شخص ماأعرف عنه شي غير كلام العم والجد عنه ، في الليله هاذي منعت حزني يعكس عليّ وعشت اللحظه كعروس رغم إنه والله باليوم هذا حسيت بقوو فراقهم وإنه أمي مش موجوده تقرأ عليً مثل كل الأمهات ولا خواتي يعدلن طرحتي ويبكون ع فراقي ولا أبوي وغيرته من الرجل اللي خذاني منه ولا من فرحة أخوي وتعزوته ولا من آآآآه حبيب الروح والقلب جدي كثير كنت أتخيل شكله كيف بزواجي كنت حالفه مايزفني لرجالي غيره 💔
لكن كل هذا خبيته بقلبي وقفلت عليه أولاً إحتراماً لمشاعر اللي حولي وثانياً أحترام لأهم يوم في حياة الرجل اللي أصبح شريك حياتي بلعت الغصه ورسمت أجمل إبتسامه تبهر كل من شافني 😌
زفوني له وخذني للفندق << الى الآن ماشفته 😂 بس كنت أسمع بنات عمي يتغزلن في شكله وأنه رجالهم صفر ع الشمال 😜
في بهو الفندق إلتقيت بالجد سالم وصعدنا الجناح وماكان فيه حد غريب رفعت عني العبايه الجده مزنه << جدة المعرس حرم الجد سالم >> قرت علي وصلت ع النبي ومسحت ع راسي
والجد باسني وعطاني هدية الزواج مبلغ وقدره 😳
الجد : أسمعني زين ي فيصل ماغلا منك الا هديل هاذي بنت الغالي وتعرف مكانتها بقلبي غير عنك وعن كل أحفادي حطها بعينك وحافظ عليها وإياك تضيمها بيوم ترا ضيمها من ضيم جدك إن كنت تعزني لاتوريني اليوم هذا
رجف قلبي من الكلام حسيت جدي فهد اللي قدامي دمعت عيني لكن حكمتها لاتخوني
صوت ماسمعته قبل : لاتوصي حريص
الجده مزنه : نترككم تاخذون راحتكم وبكره نشوفكم
صوت مستهزيء: بتمشون قبل لاتوصونها عليّ
الجده مزنه : الفرس الأصيل مايحتاج توجيه وبنت الفهد عود أصييل مايطلع منها شي يغضبك
الجد سالم : مشينا ي مزنه
طلعوا واتركوني معه كنت أنتظره يقول شي اي شي لكن تفاجأت بتسكيرة باب الغرفة رفعت راسي مو فيه دخل وتركني هنا عقدت حواجبي مستغربه نص ساعه وطلع لي جات عيونا ببعض قال وبإيده منشفه يجفف شعره : تبين تغيرين ملابسك وتاخذين شور حياك
قمت لأنه بصراحة تعبت من ثقل الفستان والتسريحه وبعد نص ساعه مثلها خلصت أطلع ولا أنتظره يناديني اممم أطلع ناظرت للمرايا ثم طلعت كان يرتب العشا : حياك
تقدمت وجلست قباله وبدا هو يأكل ومن غير ماينطق بحرف وانا خذت شي بسيط مأشتهي وأكتفيت بالعصير وبعد ما خلص أكله قطع الصمت وقال : أنا راح أظل أسبوع هنا وبعده بسافر لعمل لمدة شهر ويمكن تطول ع حسب طبعاً إنتِ راح تبقين هنا عاد بكيفك تبين أخذك بيت عمك ولا بيتنا عند جدي
إنصدمت وش يقول ذه اي أسبوع وأي سفر وأي ارجع بيت عمي الدنيا فوضى ماأنتظر ردي قام غسل ودخل الغرفه وانا خذت العشا ورتبت الطاوله غسلت ودخلت الغرفه حصَّلته نايم ع القنفه علامات إستفهام تكونت عندي لكن تجاهلتها ونمت بسبب التعب ..
أصبحت الصبح ماحصلته صليت فرضي متأخر وطلعت الصاله ماحصلته حسيت بصداع أخذت التليفون بطلب لي قهوه لكن حصلت وقه صغيره: جهزي نفسك أنتظرك تحت لاتبطين عليّ
اشوف وش ذَا العريس !!
جهزت ع السريع جمعت أغراضي وطلعت ماحصلته تحت يوه من متى كاتب لي الملاحظة الغبي كان المفروض يجلسني أنا وش مدريني عنه شكلي تأخرت وسحب علي لا لا وش سحب ذي ماصحيت من أفكاري الا ع وجه مفحم غضب : صمخا ماتسمعين
أنا : بِسْم الله ماأنتبهت
معصب : أمشي زيين
بخاطري وش ذَا الأسلوب الخايس مالت ولا مالت طبعاً في السياره صمممت وصلنا بيت الجد سالم اللي راح نعيش فيه نزلني وطلع طبعاً في وضعي بيت غريب وناس غريبين ودك بس يبقى زوجك حتى لو كان بعده غريب لكن يكون أقرب لك من أهله كنت متوتره حدي وخايفه لكن سبحان الله جعل في ملامحه سكون الراحه لاشعوريا إبتسمت له وهو ردها لي وجلسني جنبه وبعد تبادل الحديث طلب الجد سالم من حفيدته منى تاخذني للجناح أرتاح فيه قبل العشا وصار مثل ماطلب وعريس الغفلة ماشفته الا قبل العشا بنص ساعه جا أخذ شور وبدل ونزل وانا بعده تجهزت ونزلت العشا كان جميل والنَّاس أجمل وجدتي مزنه ههههه ماتركتني لحظه خايفه عليّ من العين وكل شوي توصي أمي أم فيصل ع الأثر 😂
وانتهى الليل وكلن راح بيته يرتاح وانا صعدت بعد مادخلوا جداني يرتاحون دخلت جناحي وحصلته جالس يتفرج ع التي في مريت من عنده جئت بدخل الغرفه لكن وقفني : أغراضك نقلتها الغرفه الثانيه المقابله
إلتفت له : ليش
ببرود : بس كذا ماأحب حد يشاركني بغرفتي
انقهرت من رده : وش يعني ذه ليش متزوجني
قرب مني وضرب بخفه ع خدي : ليش متزوجك اممم اتركيها للأيام أنا اللحين نعسان تصبحين ع خير
أنقهرت وانصدمت وش ذَا التصرفات ووش قصده أنا لازم أفهم وش السالفة بنتظر بكره يطّلع وأفهمك ي عريس الغفله، دخلت غرفتي ورتبت أغراضي وخذت شور ونمت ع طول من التعب ..

وانا بعد تعبت أناملي لمن أراد معرفة سر عريس الغفله كونوا بالقرب غداً وإلى أن يأتي غداً أستودعكم الباري إلى أن ألتقيكم بسعاده 💝

الحمدلله ع كل حال ..
ومضه :
لك أحرفي ومحبتي وسلامي
وإذا ذكرتك فاض بي إلهامي
صلى عليك الله ماأنزاح الدجى
يوما وما حنّ الفؤاد الظامي