السلام عليكم ورحمه الله
راح اعقب على كلام اخوي رجل الرجال من الاخر
وبصراحه ماكنت حابه ارجع للموضوع ولكن النقاش الي صار بيني وبين نجمه على البي بي
خلاني اعصب واجي ارد وبنفس الوقت ابيكم تزفونها تخاصمونها تهاشونها اي شي
اهم شيء ماتكتفي بوضيعه مراقب للحلول دون تنفيذ لاني حارقه اعصابي ع الفاضي

ياخوي هذا الي صار بالضبط جتني قبل كم يوم وشكلها وصلت وياها لانها كانت مخنوقه
قلت تاخذ نفس عميق وبهدوء وببطء نفس كلامك بالضبط وقالت مابي وطيب غصب خليتها تسوي هالشي
واخرتها قلت لها مثل ماتفضلت بالضبط ترسل للوالده رساله ورقيه مفادها عتاب ودي
للعيش بسلام بنطاق يسوده الاحتواء والرحمه والعطف والشفقه عشان يقدرون يكملون حياه بالمستقبل
بدون نضرات دونيه من كلا الطرفين
قلت لها تكتب لها كل الي بخاطرها وانه ياماما انا مو جالسه اربيك واعلمك واقوم بدور الام انتِ مثل ماغلطتي انا غلطت وانتِ الي مسكتي بيدي وعاتبتني ونصحيتني وانقذتني من الي انا فيه ومثل ماوجهتني للصح
انا جايه اليوم اسوي نفس هالشي وياج
ياماما الي قاعده تسوينه لايرضى الله ولا رسوله ولاترضيناها لنا لو احد عرف بالموضوع انه يمكسها لنا معيار وامكم خاينه وفيها ومافيها
ياماما ياحبتيبتي خلينا نبدا صفحه جديده بقلوب صافيه على بعض نكون اسره تخاف على بعض تحترم بعض
ابيك تكوني لي صديقه قبل ماتكوني لي ام افضفض لك وتفضفضين انا احتاجك وانتي تحتاجيني
وتعطيها الورقه وتقول لها ابي رايج في الي مكتوب فيها بس مو الحين بعد ماارجع وتروح تنام عند خالتها وتخلي امها بروحها تفكر مع نفسها

بس هي الله يهديها اكتشفت امس واليوم انها تبيها من الله ابوها يعرف والي يصير يصير
عصبتني والله