رد: طلبت الطلاق مستجدات الرد543
اقتباس:
المشاركة الأصلية كتبت بواسطة خاله بيتا
كيف يعني مب مهم ؟؟
احنا كائنات عاقلة وربنا رزقنا بقدرة على التفكير ميزنا فيها عن باقي المخلوقات
يعني هللا لحم الخروف وليته (الليه وهي الدهن ) حلال .. وجاب الزوج خروف كامل ونزل فيه شمط وقالت له زوجته لا تكثر لان بتتعب بعدين .. نقول لها اجرمتي وارتكبتي اثم وحرمتي حلال
او جاب هالزوج مريض الضغط والكوليسترول الليه ونزل فيها بالخمس .. وشالتها زوجته وقالت له هذا ما يناسب ظرفك ولا وضعك وبيدمر صحتك الحلوة اللي تعبنا واحنا نعتني فيها
نقول لها اعترضتي على حكم الله يا فاسقه روحي صلي وقومي وصومي !!
|
فاهمة كل هذا تماماً.
جملتي كانت استنكارية يا بيتا .. لأن الغالبية اللي مستنكرة عليّ تجاهلت تفاصيل وضعي ووضع عيالي .. وحتى وضعه هو كمريض سكر على المدى المتوسط والبعيد!
الغالبية يتكلمون بنفس منطق زوجي: (أنا ما سويت شي عيب ولا حرام) و (إنتي شو ناقصج؟) .. والمقصد الجانب المادي!
الإنسان الوحيد اللي فهمني هو الشيخ اللي استفتيته .. وردّه كان منطقي وواقعي لأنه جاوبني بناءً على خصوصية وضعي وما تكلم بشكل عام .. ومع ذلك الأخ محب السنة مثلاً شاف إن رده كان فضفاض .. لأن بالعادة محد أصلاً يرد بهالطريقة .. والغالبية - اللي مرت عليّ على الأقل - تكتفي بأن زواج الزوج حلال .. ولا يلزم موافقة الزوجة .. وهي لازم تحاول تصبر عشان الأجر والثواب.
__________________
اللهم طِيبَ الأثر .. وحُسْنَ الرحيل.