مشكلتي راتبي صار يوم الراتب يوم كئيب بالنسبة لي..

قبل ما ينزل الراتب بيوم او يوم الراتب لازم حد يكلمني سواءً ابوي او احد اخواني يبغئ مبلغ .
هالشهر كنت ناوية اشتري جوال جديد ارفه نفسي وادلع عمري بس للأسف يا فرحة ماتمت انصرف الراتب تقريباً كله ما بقى الا مبلغ بسيط جدا ماراح يجيب لي الا جهاز مو طموحي ..

طبعاً انا شهرياً اعطي امي 1000 وابوي 1000
كلمني ابوي قال يبي زياده ع الالف هالشهر رغم انه كل الشهور السابقه بعد ما اعطيه الالف لازم يجي يطلب مني كمان وانا اخجل من ابوي مسستحيل اقول لا حتئ لو كنت محتاجتها احولها له مباشرة . اليوم حولت له 2000 زيادة ..
2000 تروح التزامات في الدوام قطات وشغلات ملتزمة فيها .


امي الوحيده فديتها داااايماً تقول خلي هالالف لا تعطيني شي هذا تعبك انتي تحتاجين و و و و .. بس فلوس امي بالذات مستحيل اتأخر عنها .

طبعاً زوجي ياخذ مني بس انا اقدر اخذ من زوجي متئ مابغيت بعكس غيره سواءً ابوي او اخواني او خواني اللي اعطيهم اياه لازم انساه ومستحيل اقدر اطلب منهم .

لو كنتو مكاني وش بتسوون .. هل تذمري غلط ولازم دايم اعطي يعني هل نظرتكم لي اني تافهه عشان قاعده بيني وبين نفسي اتذمر واتمنن .. هم يستاهلون فديتهم وربي روحي تفداهم بس الموضوع هذا شهرياً يصير وانا ما اقدر اتعذر ولا اقول لا ابداً ولا حتئ اعتذر .

__________________
استغفر الله العظيم وأتوب إليه .. سبحان الله ..الحمد لله.. الله أكبر