اقتباس:
المشاركة الأصلية كتبت بواسطة لماذا نتزوج ؟
زوجها رحمها ولم يخبرها وحاول يمهد لها خلال الفترة الماضيه وماقدر
وضغط على الزوجة الثانية بحيث رضيت ان يستمر زواجها بالسر 4 سنوات
اما حكاية ان كيف الزوجة الثانية كيف رضت تاخذ زوج صديقتها؟
فهذه صراحة ماالومكم فيها معكم حق
مالم يكن الزوج هو من اصرّ عليها بالزواج
وهي وافقت لحاجتها للزواج
ورحمة بصديقتها اختفت من حياتها ( احتمال )
على العموم الحمد لله على كل حال
والله يعينك ياأم دان
|
لو حدث وتوفي هالرجل وماكلم زوجته بزواجه ايش تتوقع يكون ردة فعلها ووضعها وهي بعمق المها عليه وصارت مع واحد نعرفه زوجته كانت منهارة بوفاته والمصيبة بعد شهر طلع متزوج ثنتين ووحدة عندها ولد طبعا ماكان حاسب حساب هاليوم لانه في عز شبابه بس اراد الله ينفجر شريان بالدماغ ويموت وهو في بداية الثلاثين المصاب كان عظيم على زوجته واهله الإنسان لازم يفكر صح ويحسب الامور طالما قررت تتزوج يعني عارف ايش بيتبع هالأمر كمل شجاعتك وكون قد الموقف
في نقطه هي اللي اقتبست الكلام عشانها(ظغط عالثانية بحيث استمر زواجها اربع سنوات )لاحظت الرجال يشوفون اللي رضيت بزواج السر او تنازلت عن القسمه انها مسكينة وانحرمت
في عرف النساء المسكينة هي اللي بقلبها على لسانها وماعندها مكر تجي تبغى تتساوى مع الاولى وماتحسب لبعيد
بينما الذكية والخطيرة واللي عندها كيد هي اللي تتغاظى وتتنازل وتسوي انها المضحية وتسحب البساط شوي شوي وتحقق طلباتها
وتخرج للعلن بكيد بدون صراخ وانا زوجتك شرعا ومن حقي تعترف فيني ومن هالكلام كلام اللي ماعندهم كيد ولا خبث هذا فقط للإيضاح وماهو مجال للنقاش