لطيفه مصدومه : الله يسامحك قدني ام عيال تقول لي ي بنت
الجد بنفس النظره والنبره : يوم هذا كلامك مو بس بنت الا ناقصة عقل بنتك أكمل منك عقل
لطيفه بزعل وغيض:ليش وانا وش قلت غير الحقيقه البنت سهرانه عند عمها وناسيه انه عندها زوج وله حق وواجبات عليها وتاركته لكم إنتوا اللي يالله تشيلون أعماركم وهي مقضيتها ونس ولهو.
فيصل بغضب : كلن يرا الناس بعين طبعه ويكون في علمك هديل اول ماعرفت بتعبي تركت كل شي وجاتني وطول الليل سهرانه ع راسي وتراعيني وماقصرت ربي لايحرمني منها جعلني فداها وان كان هناك سبب لتعبي فهو أكيد << باس إيدي >> هو بعدها عني اللي ماتحمله ثانيه وحده ..
توترت من حركته وانزعجت من الوضع قمت عنهم وتعذرت بتجهيز العشا .. دخلت المطبخ وكل حصوني طاحت أخذت الصحون والعشا ارتب فيهم وكل شوي تطيح مني دمعه وابتسم اقهرها لكن هي هزمتني وقهرتني ودمعه ورا دمعه وكل مازلت مسحتها بقفا ايدي بقوه بألم وإنكسار ،، ماحسيت الا بيد تلفني وبهمس: آآسف
ابتسمت له بوجود الدموع : ع إِيش
فيصل : ع كلام أختي
ضحكت عليه : هههههههههه ماأذنبت أختك في حقي
يناظرني مستغرب مسحت دموعي وحطيته ظهري اكمل شغلي : اللي تقوله أختك بسببك إنت وهي حاسه وشكلها تعرف بكل شي عارفه برفضك لي وبحياتنا اللي ع ورق وأكيد الأخت بتفزع لأخوها .
فيصل رد ولفني عليه : والله العظيم مااحد يعرف باللي بينا غير شخصين
إبتسمت بألم : شخصين ي فيصل شخصييين؟!
فيصل : إيه زيد يعرف بكل شي من قبل زواجنا عارف برفضي من قبل واقترح ع جدي انه هو اللي ياخذك بما انه يتيم وانتي وحيده يتفهمون لبعض وتعوضون بعض لكن للأسف جدي رفض وعند الا انا آخذك وقتها حلفت وعاهدت نفسي باللي يصير بينا وكان شاهد ع كلامي زيد ، ومنى أظن انتي اللي قلتي لها مو انا
بعدت عنه وكملت شغلي وانا ساكته مكسوره متحطمه يتكلم ولا يدري وش كثر طعني بالصميم قتلني حرام عليك ي فيصل لو إني حيوانه رحمتها
فيصل : طيب وش اللي يرضيك
وانا منشغلة : وش اللي يهمك رضيت ولا عساني مارضيت
فيصل : يهمني ، وش اللي يرضيك قولي إلتفت له ويبدي سكينه موجهه عليه خاف وابتعد، وبعصبيه: تبطل حركاتك إنك الزوج المحب العاشق وانت عكس ذالك إختنقت منها أكره ماعليّ الشخص اللي له عدة أوجه
فيصل يضحك: ههههههههههههه ماعرفت لك والله مره تقولين لاتهملني عشان ماننفضح وتكونين بلسانهم والحين تقولين بطل حركاتك واهتمامك خنقتني وش تبين بالضبط
بسخرية: هو حنا باقي مانفضحنا وبعدين أنا ماابي معامله من ورا خاطرك عاملني بإحترام وتقدير وهذا يكفي
أشر ع خشمه : أبشري .. غيره ؟
مايحتاج تتزاعل مع أختك بسببي عندي لسان واعرف أرد عليها
لا في هاذي آسف أختي تطاولت عليك وانا موتي اللي يتطاول ع أملاك الفيصل
انا : هوب هوب.. انا مش ملكك ولا ملك حد انا ملك نفسي إنتبه ع كلامك لو سمحت
فيصل : أقصد اللي يقرب لي
انا : طيب بس لاتسوي مشكله بينكم انا سببها انا اعرف أرد عليها لكن محترمه وجود جدي وجدتي ولأني ماأحب المشاكل
فيصل : إن شاءالله .. بعد غيره فيه شي
ايه
فيصل رفع حاجبه : كأنك ماتنعطين وجه
مديت له الصحون: خذ هذا لهم مع السفره تأخرنا عليهم
مبتسم : إن شاءالله بس لي طلب ممكن؟
وش؟!
إبتسمي عساس أتأكد إنك رضيتي
مارديته خايب وإبتسمت
ايه كذا نروح طياره ههههههه
وبعد العشا تجمعنا حول النار وسواليف وضحك ولاحظ فيصل رجفتي وكذالك جدي اللي عَصّب : يابنتي قومي إلبسي لك حاجه تدفيك ولا دخلنا
ابتسمت : والله ماأحب البس ثقيل والنار تكفيني مش بردانه
الجد فتح إيديه : طيب تعالي هنا معي تدفين
وسن : الناس حظوظ وحنا نص حظ مو لاقيين
كنت بقوم لجدي مأكسر بخاطره لكن فيصل سحبني بسرعه ودخلني تحت فروته ومسكني من خصري لا أعند ويده الثانيه غطاني بالفروه من الجهه الثانيه صرت قريبه منه مرررره : هاا غارو عدل اللحين
وسن : جدي أجيك مو هديل إختارت حبيب القلب
الجد مبتسم : لا برد كل واحد عنده فروته يدفي نفسه
منى وفيصل : ههههههههه قصف جبهه
قرصت فيصل ع خصره وتأووه: آآه
الجد والجده : وش فيك بِسْم الله عليك
فيصل حط ايده ع خصره وانتبه ع رجفتي من سؤالهم واعرف فيصل وش بيرد ابتسم علي: ها ولا شي بس فيه قروصه داخل قرصتني
وسن تضحك : هههههههوكيف قرصتها
فيصل يغمز : مثل النحل تدرين ماتجي الا للعسل
منى: مااالت جد مغتر بنفسك
فيصل : سأليها بعد
الجده : ليش النحل بيجاوبها
الكل ضحك وانا ذبت بملابسي من الخجل وهمس في أذني : إنتبهي ع حركاتك لايفهمونك غلط يعني يفكرون نسوي شي تحت هالفروه
شهقت بصوت عالي : هااااااا
كتم ضحكته والجده مرتاعه :وش فيكم إنتوا كل شوي مروعينا
فيصل مبتسم يخفي ضحكته: لا بس قلت لها عن واحد صديقي قرصته نحله ومات بسببها
وسن : وصديقك هذا عسل بعد
أمها عصبت : إنتبهي ع كلامك ي قليله الأدب
وسن تبرر : وي اقصد يعني مثل ماقال عن نفسه عسل والنحل يجيه وش فيكم تفهمون غلط
ضحك : ههههههههه لا بس النحله هاذي حوله شافتني فيه
منى تضحك : هههههه يمه منك بسرعه تحصل رد
بغرور : ليش تعتقدين الفيصل هين
بحب : اروح فدا للفيصل أنا
فيصل يضحك : هههههه اي طلعي منها ماأنت بقدي
لاحظت سكون لطيفه وتعكر مزاجها وهمست لفيصل مع انشغال الكل بالسوالف: فيصل
لبيه
لطيفه زعلانه
وإذا
لا حرام خذ بخاطرها جاتك عيب تطلع من عندنا زعلانه
غلطانه ونراضيها
بعدت عنه وبحزم: فيصل ارضيها
سحبني لداخل وغطاني: طيب
ي ام طارق
رفعت رأسها : لبيه
لبيتي حاجه ي قلبي .. تبين كرك
لا تسلم انا بكلم طارق يجيني
فيصل : افا تو الناس سهاري
بزعل : لا ماأبي أضيق عليكم
انا : افا عليك ي ام طارق راعية مكان مايجي منك ضيق
فيصل : مافيه روحه إلين يطيب خاطري من هاللمه الحلوه << قام وقف وباس رأسها >> ورأسك بسناه رضاك ي الغاليه وانا تحت امرك وبخدمتك أوصلك لبيتك بنفسي
ابتسمت له بحب : جعلك سالم ي الغالي
أخذ منها بنتها الصغير ورجع مكانه وخذوها منه وجلسنا نلعبها مع بعض وهمس لي وهو مبتسم : راضيه
ابتسمت له وهزيت برأسي ايه
ورقصت خدودها بخفه : فديت العثل انا ي ناثو آكلك والله ودي آكلش كلش
تمد بيدينها الصغار لفمي تناغي وتضحك ههههه شوي الا بكت : ي الخبل ليش عضيتها عورتها
يضحك : هههههههههكنت بشوف تنوكل مثل ماتقولين
لا ي شييييخ
قطعت حديثنا لطيفه : فيصل
التفت لها مبتسم : لبيه
لبيت حاج ي الغالي .. تسلم عليك حماتي وتخطيك الشر
فيصل : الله يسلمك ويسلمها
الجده : اي حماة ذي ؟
حماتي اسماء اصغر خواته
الجده : اللي مابعد تزوجت صح
ناظرت بفيصل وابتسمت : اييه .. الله يرزقها بإبن الحلال اللي يسعدهاوالله انه مافيه منهاإثنين جمال وأخلاق ورزه وفوق هذا كله غنيه
مافاتتني نظرات لطيفه لفيصل ومقصدها وصل وحنا في بالي يوم خبرني بزواجه يعني هاذي هي العروس تعكر مزاجي تركت الصغيره له وكتفت ايدي وجلست بصمت ..
الجده : ليش هو بيتزوجها ولا بيتزوج فلوسها
لطيفهتضحك : ههههههه لا أكيد يتزوجها بس أقول وين بيحصل مع الجمال مال
الجد : الله يستر عليها ويرزقها
الكل : آميين
منى: الحلو وش وده يشرب
انا : لا حبيبتي تسلمين ماودي أكثر عشان أنام
تناظر الساعه : يووه أخرناكم
فيصل : شدعوه قلنا سهاري
لطيفه : لا سهاري ولا غيره وراي بيت وزوج وعشان بعد جدي وجدتي يرتاحون
وسن : وانا عندي جامعهبكزه
فيصل : ع راحتكم يلا جهزوا وطلعوا لي وانا بسخن السياره
الجد : الله يحفظكم مد ايده لجدتي وطلعوا لغرفتهم
التفت لي : لاتشيلين الأغراض بوصلهم وارجع اشيلهم طبعاً سمعته يكلمني بس عقلي ماترجم الكلام .. طلعوا وانا رتبت الحوش وبعده دخلت المطبخ ارتب فيه ، مديت يدي ابي ارفع الصحن لكن الطول ماساعدني وأتفاجأ بيد ساعدتني ودخله ظهره كان ملاصق بظهري إنتفضت والتفت له وتلاقت عيونا وكل منا يقول حكي للثاني لكن ماحد فينا فهم الثاني وش حكى ،، ابتعدت عنه ، فيصل : ماقلت لك لاتشيلين شي
انا : ماسمعتك
فيصل : ماسمعتيولا تعاندين
: لا ماسمعت وبعدين ماصار شي
طفئت انوار المطبخ والصاله وصعدت وهو وراي ولما دخلنا قال : بتنامين
ايه .. تبي شي
فيصل : يعني قلنا نجلس مع بعض
بسخرية : من متى ؟
من اليوم وش فيه
هههههههههه لا فيه وفيه ، قلت لك عاملني بصدق مو تمثيل ، أساساً جلوسك في اليومين اللي مضو موترتني ماتعودت عليك كذا صرت أنتظر اللي بعده
ليش وش اللي بعده ؟
إنت أعلم بطبعك هذا كله هدوء ماقبل العاصفة ، أنتظر عصبيتك وصراخك ومسخرتك وتهزيئك وتهميشك كل هذا راح يطّلع قريب فقط هدنه يومين ، إنت كنت ماتطيق وجودي اللي سبب لك المراره وجاي اليوم تقول نجلس مع بعض ههههههه لا جد الحراره مأثره عليك نصيحتي خ علاجك ونام .. دخلت غرفتي غيرت ملابسي توضيت وصليت ونمت ..

وقبل الفجر بنص ساعه شفت كابوس فضيع ابكي في منامي صحيت الا وفيصل مشبث ايدي ورجولي وحاضني استوعبت ونقزت بسرعه وكان راح يطيح لو ستر الله عصبت عليه وصارخت بوجهه: وش تسوي انت هنا
بهدوء عكسي : كنت تحلمين وتصارخين سمعتك وجيتك صحيتك لكن كنت تبكين وتصارخين خفت تأذين نفسك ماحصلتني الا إني ماسكك واضمك وفجأة سكنتي وهديتي
تذكرت المنام وعقدت حواجبي وبكيت ، احتار فيصل يقرب لمي ولا يظل مكانه خاف من ردة فعلي وظل مكانه لكن ماطول قرب مني وجلس ع ركبته ورفع راسي ومسح دموعي : الله يرحمهم ويغفر لهم ادعي لهم
وش عرفك إني أبكيهم
لأنك تنادينهم بمنامك
بألم أشرت ع قلبي : تعبت من هذا إشتقت لهم
فيصل : طبيعي تشتاق لهم هن أهلنا وأحبابنا لكن هم أكثر شي محتاجينه منا هو الدعاء
بضيقه : تعبانه حيل ضيقة بصدري خانقتني
اذكري ربك هذا كله من الكابوس
ايدي ترجف : كابوس فضيع لا لا هذا مو كابوس هذا واقع هذا الحدث شفته بعيوني حقيقه ماتوا قدامي قدام عيني حادث مروع مخيف تقلبت السياره فينا كلنا وكل منا طار بمكان ، اول مافتحت عيوني كنت أحس بثقل في عيوني وصداع قوووي فضيع حطيت يدي ع راسي أخفف الألم غرقت ايدي بالدم خفت انفجعت من منظر الدم ناديت ع أمي وأبوي وجدي مااحد رد فيهم خفت أكثر ناديت ع اخوي وخواتي ماردوو<< بكيت >> قمت ع حيلي ادورهم حصلت أعضاء متناثره بكل مكان وريحة الدم والنار << أشرت ع خشمي >> الريحه للحين هنا ريحة ددددم ونار كلهم حولي متقطعين ماعدا جدي ركضت له وحطيت راْسه ع فخذي كان ينزف من كل مكان مدري من وين بالضبط حاولت أوقف النزف لكن كل مكان يزف ومعتدي الا يدين << بكييييت >> صرخت عليه وترجيته لايتركني لوحدي وإني ماأقدر أعيش من دونهم قلت له إني خايفه حيييل حييييل ضغط ع ايدي وابتسم وهو يغرغر دم بعدها سكن وماتحرك فيصل جدي ماتحرك وظل ساكن بحظني حركته بخفيف جدي قم جدي لاتتركني جدي انا هنا لوحدي انا خايفه جددددددددددددي قم الله يخليك قم لكن مارد عليّ صرخت بكل حرقه وفجأة ماأشوف الا ظلام هالك ومخيف ووعيت منه وانا بالمستشفى وعمي جنبي سألت عنهم وانا عارفه بالرد لكن قلت يمكن منام وصحيت بس طلع حقيقه وواقع << بكيت بحرقه وألم وضعف وانكسار >> ماتردد فيصل دقيقه وحضني وبكى بصمت ع حالي مسح ع ظهري ويذكرني بالصبر وبالله الين فجأة نقزت عنه وابتعدت وصرت أتكلم مثل المهابيل وخاف : الكابوس هذا من زمان ماشفته ليش اللحين رجع لي
خايف علي : وش تقصدين
انا كنت اشوف الكابوس هذا يوميا بس بعد الزواج ماعاد يجيني ليش رجع ؟؟
مسك كفوفي وضمهم بكفوفه : لأنك تكيد اشتقتي لهم
سحبت أيدي وابتعدت ع السرير وطلعت من الغرفه وكنت بطلع من الجناح لكن مسكني ومنعني : وين رايحه
عيوني تدمع : فيصل صدقني إحساس فضيع << أشرت ع قلبي >> ضيقه قاتله والكابوس هذا غريب فيه شي بيصير صدقني
تعود من ابليس : اعوذ بالله من ابليس اذكري الله هذا كلّه تأثير كابوس تعالي << جلسني وجاب لي مويه وشربني >> اهدي ولا أقول توضي وصلي أحسن
بعدت الكأس عني وعيوني تدمع : ليش ماتحس فيني ليش قاسي معي كذا
استغرب مني : قاسي بالعكس والله حماس فيك وفاهم شعورك الله يمسح ع قلبك ويصبرك
ضميت وجهي بين كفوفي وبكيت بُرحقه : لا أنا حاسه فيه شي راح يصير والله قلبي يقول فيه شي
مسح ع ظهري : لا إه الا الله .. مثل إِيش طيب وين تبين نروح
مسك ايده أترجاه : ننزل وتطمنت ع جدي وجدتي خايفه انه فيهم شي
فيصل : تعوذي من ابليس بِسْم الله عليهم وش ذَا الفأل
بألم : هذا يقول انه فيهم شي والله صدقني
فيصل بخوف :وين نبينا ننزل ونخوفهم وهم نايمين بسبب كابوس وإحساس
ناظرت الساعه : لا أكيد قاموا للصلاه أنـ......
قطع علينا طق الباب بشكل مخيف نقزنا من الخوف مسكت قميصه بقوه وضميته وهو لفني عليه وحضني يطمني : ميين ؟!
الشغالة :بابا فيصل بابا كبير مافي يقوم ماما كبير يقول نادي بابا فيصل بسررررعه
نقزت من حضنه وبكيت : قلت لك انا حاسه والله حاسه
سحبني ونزل ركض لجدي وانا وراه اول مادخلنا مسكت قميصه بقوم وخوف : فيــ.. ـصل.. جدي ماا... (( حط ايده ع فمي >> اوووووش
قرب من جدي وحط ايده ع النبض شوي الا رفع راْسه ونظراته ماتسر فجأة رجولي خانتني وماحملتني طحت ع الأرض مو مستوعبه جدي مااااات فقدت جدي مره ثانيه ضاقت الدنيا علي وبكيييييييييييييييييييييييييييييييييييييت ...

لم تنتهي الحكايه هنا مازلت أنتظر خيوط الأمل منبعثه من الألم ..
الحمدلله ع كل حال ..
ومضه :
ليت ربي ماكتب في حياتي فراق .. كل ماقلت ي قلب تصبر إلين مل الصبر مني وخان 💔