أخوي فارس مكة ..

زوجي يمر بمرحلة انتقالية .. و مرحلة مثل ما نقول ( نضوج ) ..

ما عاش طفولته و لا مراهقته و لا بداية شبابه مع أهله .. ( هذا الواقع ) ..
و كان من شغلة لشغلة و كل مرة ينفصل بعد شهر أو شهرين ..

لدرجة زوجة خاله تسالني فين زوجك صار يشتغل بعد ما خرج من وظيفته الي كان يشتغلها ؟
و سلفتي الملقوفة ردت و قالت لها .. لسى جالس بوظيفته ..

زوجة خاله قالت .. ليش ما انفصل منها ؟ و صاروا يضحكوا الإثنين و يطالعوا فيا ..
و يقولوا ( ههههه .. تعودنا كل مرة هو و أخوانه ينفصلوا من كل شغلة يدخلوها و كويس إنه مستمر إلى الآن )

أصلا ما عبرتهم و ابتسمت لهم ابتسامة صفراء ..
يعني كأني أقول لهم ( مرة دمكم خفيف ) ..

.
.

زوجي معايا ..
( و ماني جالسة أتفاخر .. عشان لا أحد يقول تمدح .. و لإنها فعلا معاناااااااة و ليست شرف )

زوجي معايا مر بمرحلة الطفولة و عانيت طبعا و عدت الحمد لله و انتهت ..
و مر معايا بمرحلة المراهقة .. و انهرت و وصلت الأمور للمحاكم و الإنفصال ..
و مازال جرحها ينزف إلى الآن .. لكن قدرت اسيطر على حالي من أجل الأطفال و لإعطاء اخر فرصة ..

ثم الآن ..
بدأ يشعر فعلا إنه - أب و مسؤول عن أطفال و بيت و زوجة -

.
.

فأنا عاجبني انشغاله بشي مفيد .. و اعتماده على نفسه .. و لإنها بدأت تأثر على شخصيته ..
( من أجل مصلحته هو .. و لإنه قدوة لأولادي .. فمصلحة أولادي من مصلحة أبوهم ) ..
و عاجبني تحمله لمسؤولية البيت و مصاريف البيت .. بعد ما كان راميها كلها علي زمان ..

عالأقل بدأ الآن يمسك القلم و الورق و يكتب و ينظم شغل المكتب ..
بس كمان مو بالطريقة اللي يظلم نفسه بها ،. و يجيب أمراض لنفسه لا سمح الله ..
و هو في عيلتهم مرض القلب منتشر .. عند أبوه و أخوانه و عمليات للقلب المفتوح صارت لهم ..

.
.

و أنا - مضغوطة - و لست متذمرة و لا ساخطة ..
أحتاج فقط إني أعطي لنفسي جرعات من القوة و مزيد من الصبر ..

و اللي زادني ضغط .. لما قرأت و شفت بالمنتدى ..
كيف بتكون مكافأة الزوج للزوجة ، بعد ما تصبر عليه سنوات و تصبر على انشغاله عنها و عن المنزل و الأولاد ..

و لإنه حتى لما يجي البيت بينام .. يبغى مساج لراسه أو رجوله بسبب الإرهاق ،
أو عنده حرقان أو صداع أو مزكم أو كحة أو يجي تعبان و الضغط مرتفع ..
و يحط راسه في أقرب مكان و ينام ..

و عشان كذا بيصير مرات خلقه ضيق ..

.
.

و عالأقل لو ما قدرت انظم الوقت ..
أحتاج مثل ما قلت .. إني أعطي لنفسي جرعات من القوة و مزيد من الصبر ..
من خلال نصايحكم ..

لإنه طاقتي بدأت تنتهي .. و أحتاج لإعادة شحن من جديد ..