يسعدلي مساكن يا عسولات 😚😚😚😚

بعد عنا بكرة النوم لوقت مأخر
ومن الاثتين اذا الله راد ببلشوا الاولاد مدرسة 😓😓😓



حبيبتي مبتعثة سؤالك بمحله وخدي راحتك بالاسئلة 😚😚😚😚😚
دايما الانسان ما لازم يخلي اي شي ياخدلو وقته ان كان من نفسه او عيلته
وبالاولوية نفسه وعيلته وبعدين بتجي الاشياء الثانوية

رح احكي عن حالي مثلا انا اولادي هلئ ما عاد بحاجة لكل وقتي بل بس عليي وجههن وصادقهن لانو مرحلة الاعتماد عليي خلصت وبقي شي بسيط


كوني بغربة وما بشتغل وما عندي علاقات اجتماعية مكثفة باستثناء علاقاتي بصديقاتي بتقتصر على يوم بالاسبوع وهو نهار الاربعاء بعد الضهر وقت يكون اولادي واولادهن عندهن دروس عربي بجتمع بصديقاتي بهالوقت

والبيت هون بسويسرا بشكل عام صغير وما فيه زوار وكل شخص بيساعد فيه يعني ساعة ونص بالكتير بيكون كل شي تمام
بيبقى الاكل عليي دايما بس ما بتكلف بتنوع الاطباق مرات بنوع بياخد مني ساعتين بالمطبخ ومرات شي عالسريع
ومرة بالاسبوع او مرتين بالكتير الاكل برا
الولاد ما بحاجة لدرسهن لانو مثلا ابني الكبير بالرابع ما بياخد الا مرة او مرتين تدريب ولمدة 20دقيقة بالكتير


دراستي اخترتها وقت المغرب يومين بالاسبوع
فهيك بيكون عندي وقت للفيس بوك والواتس آب والمنتدى والمشي
ووقت اضهر من البيت ما بفتح نت الا اذا كنت بقهوة لوحدي اما غير هيك لا واتس ولامكالمات الا في رقم مخصصته لاولادي بتصل فيهن وبيتصلوا فيني


تلفزيون ما بفتحه بالنهار ابدا ولا من اهتماماتي
بس بعد نوم الاولاد بقراأ روايات بحضر برامج عاليوتيوب او مسلسل اذا في شي محدد بدي احضره ومش بشكل يومي
وبدخل فيس بوك تقريبا نص ساعة كل يوم

المنتدى كل ما كون بالبيت وما في شي اعمله ان كان بالنهار او الليل بدخل عليه

ومرات بركض والوقت بيركض قدامي وما بلحق يعني مش كل الايام متل بعضها

وبعتقد مثلا الصبايا اللي بيدخلوا لنفترض ساعة وبيشاركوا بتصير الردود ورا بعض بهالفتزة
او بيدخلوا مرتين تلاتة بكل مرة نصف ساعة يعني بكل النهار ساعتين على بعضهن لنحسبها عالكوفي


ان كان في نظام وبرنامج متبعتو ست البيت وما عندها دايما علاقات اجتماعية بشكل يومي
بتقدر اقل شي تلاقي ساعتين الها بالنهار وتلات ساعات بالليل بعد نوم الاولاد


وههههههه طولت بالحكي اذا ما حدا طفاني ما بسكت ههههههههههه😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه