كنافه هو يرمي الكلام ببرود وانتي تاخذيه وكأنه كلامه صحيح 100/100
وتتأثري بقوه كأنه ضربك
وأتوقع إنك ماتبغي تكون نظرته لك بهذا الشكل

وهو لما قاعد يشوف تأثير كلامه عليك ينبسط ويزيد والله زوجي كان كذا قبل حتى كرهني في مادة English
كنت ادرسها ايام الجامعه ويخربط قراءتي ويضحك ماتعرفي تقرئي English مااخفيك إنه بالفعل حطمني وماعاد احكيها بين كلامي
انا ثقتي في نفسي عاليه وعشان يحطمني لما يشوف طفله تتكلم يقول تتكلم احسن منك 😂😂
لما نكون في جمعه واتكلم بلباقه والكل يسمع لي لما نرجع البيت يقول ضحكت عليك لما قلتي كذا وكذا 😳
انا كنت في اسره يرفعو من شأننا حتى لو مانعرف
مرررره كنت استغرب هو ليه يسوي كذا لانه لما نكون في لقاء خاص كل الي حطمني فيه يجيب مناقض له وانه يعشقني ومن ذا الكلام

كنت اهرب لاهلي كثييييير كان اكره يوم عندي لما تنتهي الاجازه اروح له وانا ابكي في السياره ابكيييي لما اودع اهلي

لما تشبعت تماماً من كلامه سار عندي برود فضضضضيع يقول الكلام اضحك واعطيه اقوى منه ببرود داخلي ومااعصب أبداً لدرجة اني اجرحه بأشياء قووووويه مره
مره قام باس بننت في جوالي وقال أجمل منك
ضحكت وجبت صورة رجال جميل ويكرره اعلامي.........

فنصيحه عالجي نفستك الاول وتأكدي انه يشوفك أميره ومايستغني عنك حتى لو حلف بس هم عندهم مشكله نفسيه زوجي تعالج منها قريب بعد عشر سنوات توه تغير من هذي الناحيه
ومو مره متغير لما نجحت الترم الي راح بنسبه عاليه قال توقعت بعد تقطيعك للكتب انك بتاخذي 5 ع 5 قلت غلطانه المفروض اول من ابشر اهلي واخواني شوف القروبات كيف والاتصالات وانت الي عايشه معاك تقول كذا تحسف وبعد كم يوم سوالي حفله

وبرضه التربيه لها دور ممكن تعود ع التحطيم عكسنا

من اول متردده اكتب لك نبذه عن حياتي وكتبتها لانه التغير لا تطلبيه من زوجك انتي لازم تتغيري
عواطفك وجههيها لصديقاتك اخواتك اطلعي مع اهلك كثيييير

وصحيح لا تشتكيه لكن غيري من نفسيتك وتجنبي الاشياء الي ممكن توصلك للخيانه احياناً لما تفقدي العاطفه مع زوجك اي كلمه يوجهها لك اي احد حتى لو مدح عام تأثر فيك بشكل كبير وهو مايقصد مجرد كلام عادي
حتى لو طلبتي استشارة واحد اعجبتي فيه اي نصيحه منه فيها لين وشفقه تأثر في نفسيتك
فلا تفتحي عليك هذا الباب مارح يتقفل