رد: طلبت الطلاق مستجدات الرد (1139)
اقتباس:
المشاركة الأصلية كتبت بواسطة متفائله200
في كل رد أكتشف انه عندك أسلوب جميل في الاقناع
تعبنا واحنا نحاول نمشيك يمين
ومشيتينا بالراحه معاك شمال 😬
مهارة الاقناع هذي ليه ماتجيديها مع زوجك ؟
هل لأنه تقدري تتنفسي هنا أكثر ؟
لأن عندي مشكلة حقيقية في الكلام معاه .. الحوار معاه سلبي .. إما يستخف بكلامي (يتهيألج .. الله يهديج بس! .. من وين تيبين هالأفكار؟!) .. وإما يتجاهل جزء كبير من كلامي وما يرد ولا يناقش .... في النهاية كأني أكلم نفسي!
صحيح أنا شاطرة في التعبير عن نفسي عن طريق الكتابة أكثر .. لكني طول عمري أتكلم وأتناقش مع الناس .. ونتجادل أحياناً لتصادم وجهات النظر .. وما أكون حريصة أبداً على إقناع الطرف الآخر بوجهة نظري بقدر ما يهمني إحساسي أنا تجاه نفسي إني متماسكة وواثقة من نفسي وعارفة كيف أتكلم .. وإن الشخص اللي يحاورني محترمني كإنسانة وياخذ ويعطي معاي مثل أي شخصين طبيعيين .... عمري ما حسيت إن نقاشاتي مع الناس فاشلة
مع زوجي الأمر على النقيض تماماً .. ودائماً أخرج من حواراتي معاه بكمية كبيرة من الإحباط.
يختي هو أساساً ما يتكلم مثل الناس كحوارات يومية اعتيادية .. فكيف متخيلة بيكون النقاش معاه؟!!
عارفه مهره لما قلتي مارد ع كلامك اتوقع انه فهم ردة فعلك نه تبغي تستفزيه عشان يفتح معاك الحوار حس انه جاء الوقت الي أنتي تتكلمي فيه بدون مايبدأ هو لذلك مارد عليك ينتظر مزيد من الرسايل الي كذا حتى تجيه وتتكلمي عن الي مضايقك مادري كذا حسيت |
ما أدري .. ما خطر لي هالشي.
__________________
اللهم طِيبَ الأثر .. وحُسْنَ الرحيل.