اقتباس:
المشاركة الأصلية كتبت بواسطة فأل أخضر7
ذكرت عادة الطبقات الارستقراطية عند الإنجليز أول يحطون المرق
بقاع الصحن و يحتسي النبيل بطرف الملعقة و يضطر يميله أحيانا، برستيج .
مع أني بدوية جهة عمومتي أبا عن جد إلا إن
أول عهدي الصدزي بالقهوة العربية من عمري 20 وفوق ،
قبل كنت غير باغ و لا عاد بالمجالس و قدام الناس ، مع إن كثير أقول
أو أهمس قبل يصبن " ما أقدر :/ مابه سكر"
لولا قبصة عِجز استراتيجية تعقد لساني و دموعي يمكن بعد أو أنهن ما يسمعنن ،
بعدين تحت ظروف ضغط و درجات حرارة عالية يفوح عبق الهيل و الزعفران
و المسمار بينما تطبخ القهوة ثم تختلط بشذا الشكولاتة و أنا أتفرج على العالم تبلع
بحسرة و على القهوة بهلع ، و حاجتي للسهر و السلوان بعد بالكلية هنا قدر الله
علي و وقعت في براثن القهوة العربية المرة ...
إنما ؟ لاحظي لازلت متمسكة بمبادئي و هي حقيقة ما أغبيه عنتس، حرية شخصية كيفي ! بس علوم عند الناس يمكن ...
إني أشربه بكوب الخزف الصغير و الله العظيم ومحب و لا أعرف أشربه بفنجان خاصة التعذيب الي قلتِ .
عند أهلي و حريم أخواني عادي تعودوا لدرجة أهدى بعضهم أكواب ،
بس عند الناس لأني ما أقدر ما أشتهي آخذ فنجان واحد بس و لا أكمله لين يبرد
أو يفرجه ربي ،
ملخص مأساتي معي القهوة العربية بنهاية سعيدة.
لوفتي
علم المغرب ، قبل فترة شفت وثائقي عن زعفران المغرب استمتعت و بنفس الوقت
حسيت بالظلم شوي لو أحد فعلا يهتم و يدعم هذي الثروة و فلاحيها :
الدبش عفش العروس عند الجنوب على ما أظن ، البقش عند الحجاز ، ...
و عندنا معيارة الخبل ( المخبول )...
بالأصل الدبش هو" الخروف" ، فيمكن لأن عادة الناس أول
يعطون عانية يعني مساعدة يوم العرس رؤوس خرفان .
|
الله يرفع قدرك يا فأل ما أحلاكِ ..
المغرب دولة جميلة جدا تبارك الله
ولو ما كنت مغربية كنت حبيت المغرب و أهله ...
في مشاريع تحتاج دعم و بعض دول الخليج ما قصرت الله يحفظهم و يبارك فيهم ...
فكم من مشروع عندنا بدعم خليجي بحت ...
و يسعدني جدا اني اشوف هذا التكاتف و التعاون .
يعني نتوقع خيرا يا فأل الطيبة
...
__________________
أشهد أن لا إله إلا الله و أشهد أن محمدا رسول الله صلى الله عليه و سلم
