السلام عليكم ورحمة الله وبركاته
هاحاول اختصر الموضوع بس في نفس الوقت اعطيكم صوره عن ابي
ابي الغني ابي المركز المرموق ابي الشيخ ابي حافظ القران ابي الفقيه ابي الاخصائي النفسي المعروف اللي تستشيره الناس وباب النحار للاسف مخلع !!!
بالرغم اني الحمدلله اتزوجت واصبحت ام لكن للاسف الشديد الموضوع ماثر عليا جدا
وليا 5 شهور لا اكلمه ولا اسال عنه
والسبب هو ما يحب انو تكون ليا علاقه طيبه مع احد حتى زوجي حاول كم مره يسبب فتنه بيني وبينه بس الحمدلله اكتشفت كذبه في الوقت المناسب
يحرشني على اقرب الناس امي ويالف عليها قصص اخرها يقول البيت اللي هى فيه حقه والف كذبه طويله وعريضه وصدقت للاسف بعدين امي اثبتت بالاوراق الرسيمه كل شي
يقولي اخوكي يسوي اشياء من وراكي ومره قال لاخويا انو انتبه من اختك لا تسرقك !!!!
ايام ما كنت حامل في بكري الف على زوجي كذبه يالله كل ما انذكر المهم قالي كلام عن زوجي خطير وقالي ياريت لو ننزل الجنين يكون احسن !!!!!
وسبب اخر مشكله ياريت مني لا !!
علاقتي بعمي اخوه ممتازه قام يحرشني عليه وطلب مني اتصل واتضارب معاه على موضوع بينهم وانا عارفه انه يبغى يورطني قمت ما اتصلت قام قاطعني اتصلت كم مره مايرد
والله العظيم اللي قلته نقطه في بحر هو ساكن في بلد اجنبي واحنا تربينا في بيت خالي مع امي وهما منفصلين ولما يجي يجلس عند عمتي ولا يطالع فينا ولما تزوجت صار يجيني والله العظيم اشيله من الارض شيل وخدمه
رغم ان هو عمره ما عزمني انا وعيالي عنده يقول انا مو لاقي اكل حتى اجيبكم عندي!!!!!!!!
وطلبت منه بعثه لزوجي قال لا بلاش لا يتزوج عليكي !!!! وبنات عمي اللي كان يبغاني اتضارب معاه بناته الثلاثه جبلهم بعث
الصراحه انا ارتحت لما صرت ما اكلمه عشت في سلام مع نفسي و زوجي وعيالي وامي وخايفه يرجع يكلمني زي اول
ترا مهما اوصف والله والله والله العظيم قسم احاسب عليه يوم القيامه شي ما يتصدق
لاني كنت متعوده اكلمه كل 3 ايام واسمع السم ويدعي وكلام ما ينقال بس كنت مستحمله ابغى البر والاجر واخاف ربي يحاسبي
لانه ديما يقولي احاديث وايات عن البر لانه كما قلت فقيه وحافظ للقران طيب هذا بر الاباء طيب مو في بر للابناء
سامحوني طولت رغم اني اختصرت الكثير والكثير من الألم

(تم تعديل العنوان ليتناسب مع المضمون)

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.