رد: طلبت الطلاق مستجدات الرد (1139)
اقتباس:
المشاركة الأصلية كتبت بواسطة متفائله200
طيب مهره ...
بديت أخذ دور مبتعه😅
لا لا لا .. مبتعثة في صوب بروحها. 
الي ملاحضته انه انتي اكثر شي تراسليه
وين المشكلة؟!!
ما أراسله حب ودلع .. أراسله في أمور تخص البيت واليهال ..... شي طبيعي عشان البيت يتم ماشي.
مثلاً أمس كان طبيعي أراسله .. يعني إذا تأخرت في المستشفى من كان بيروح ييب شما من الحضانة؟
أراسله لما أبغي أطلع .. لأنه هو قال: أنا بعدني زوجج والمفروض أكون عارف إنج بتطلعين ووين بتروحين.
شو المفروض يكون رد فعلي؟ .. أتجاهل كلامه وأطلع وأدخل على كيفي وأحمّل نفسي الغلط؟!
رغم انه ملاحضين في لين منك الا انه زوجك يقهر مو راضي يفتح حوار معاك تتوقعي ليه ؟؟
احساسي يقولي انه حتى هو يعاني من صمتك بحيث ماتطلعي الي في قلبك مجرد كلمة بسيطه منه مثل الله يهديك كافيه عندك بإنهاء الحوار
مااقول تصارخي لكن حسسيه بأريحية الحوار معاك لا تتضايقي من ردات فعله كملي حوار وجادليه حتى توصلي للي تبغيه منه بالهدوء
يا متفائلة الحين أنا صرت سبب مشكلة الحوار بينا؟
وهل أنا قلت إنه بمجرد ما يقول لي كلمة مثل (الله يهديج) أنا أسكت وأقفل الحوار مباشرة؟! .. بالعكس.
لكن هو يستخدم هالأسلوب وكأنه يبا يسكّر أي منفذ أو باب للأخذ والرد .. أسلوب تهرب يا متفائلة عشان ما يضطر يرد على كلامي!
يبدو لي زي ماتعاني من الحوار معاه حتى هو يعاني والدليل الفتره هذي كلها يبغى يتوصل لطريقه يحادثك وصديتيه اولهم لما بتروحي المشغل لكن ماالومك وقتها نفسيتك مختلفه عن دحين
واخرتها لما طلب يروح معاك المستشفى
هل تقصدين إنه كان يحاول من خلال هالمواقف يفتح باب للحوار؟!!
مب صحيح .. وتجاربي معاه تقول لي إن هالمواقف مجرد كسر لحاجز الصمت عشان الوضع يرجع طبيعي والحياة تستمر ..... لكن إنه يبا حوار ونقاش وأخذ ورد؟ .. عمرها ما صارت.
لو هو يطنش ومو مهتم فيك ومايبغى يحاورك زي ماكنت اعتقد ماكان حاول بطريقته يتوصل معاك بالحوار فلا تستبعدي انه حتى هو يصعب علين الحوار معك ..
أنا ما قلت إنه يطنش ومب مهتم ..... مبتعثة هي اللي مفترضة إنه ساحب علي. 
تتوقعي حضن بينكم يفتح حوار ولا عادة ترفضي هذا الشي؟
ما أرفض عادةً.
أول مرة في حياتي أرفض كانت في موقفي السابق في إجازته الماضية .. لما حط يده عليّ وأنا نايمة على الكرسي.
الله يخليك لا تقولي ماابغى اتحاور معاه
دامك اعطيتي نفسك فرصه سنه اعطيه فرصه يفهمك
لكن الحوار لازم يكون مختلف تماماً عن الحوارات السابقه ... |
مرة ثانية .. هالكلام مب المفروض ينقال لي أنا يا متفائلة .. لأنني ما أرفض الحوار.
وعلى كل حال .. مثل ما قلت سابقاً: لما يكلمني يصير خير.
__________________
اللهم طِيبَ الأثر .. وحُسْنَ الرحيل.