مستجدات حصلت معي

السلام عليكم ورحمة الله وبركاته

مستجدات ما حصل معي خلال اليومين


اصبحت اخرج للصلاة في كل فرض للمسجد وازور اهلي على السريع

طبعا بعد انتهاء الصلاة تبدأ زوجتي بالاتصال بي ولكن لا ارد عليها

طبعا صارت تعيد كلامها السابق وهو انك تصلي بالمسجد عشان تشوف اهلك واصلا صلاتك غير مقبولة لانها مو لوجه الله بل لسببين وهو انك تبتعد عني وعن لساني وحنتي والثاني هو زيارة اهلك لأنك انت تحب امك وابوك اكثر مني

طبعا بما ان الحوار معها ضايع واصلا لا تقبل الا الكلام اللي تبيه اسكت ولا ارد عليها لأني انا اللي راح انقهر في النهاية .


طبعا صار موقف قبل امس العصر وهو قالت لي ابي اروح اشتري اغراض قلت لها طيب يالله

اشترينا الاغراض من اكثر من محل وبعد ما خلصت قالت ودني بيت اهلي بعطيهم الاغراض

قلت طيب

بعدين قالت ترى الاغراض هذي من فلوس اهلي مو من فلوسي

قلت لها انا مالي علاقة بفلوسك ان شاء الله تحرقين فلوسك هذي فلوسك وانتي حرة فيهم

قالت لا مو قصدي كذا بس مو اشوفك بكره شاري شي لأهلك عشاني انا اشتريت لأهلي

قلت لها هذي فلوسي وانا حر فيها


المهم وصلنا بيتنا وصليت المغرب بالمسجد وزرت اهلي وبعد ما رجعت البيت قالت وين كنت ؟

قلت عند اهلي

قالت اها تصلي عشان تشوفهم

قلت لا ، هذا انا كل العصر وانا اوديك مشاوير لأهلك ولا قلت لك لا تزعلين عشان نص ساعة عند اهلي ؟؟

قالت انت تمن علي عشان انا اشتريت لاهلي ؟

قلت لا وليس من اخلاقي ذلك

لكن لا تحاسبني على زيارة اهلي ابدا

بعدها دخلت غرفتها تبكي وهي الى اليوم ما تكلمني الا قليل يعني زعلانه