رد: الي ما عندها بنت .. تندم طول عمرها ؟
اقتباس:
المشاركة الأصلية كتبت بواسطة شاطى الراحة
كل هذا كلام فاضي فدين لم يربط
البر في ولد او بنت فكلهم خير وبركة
وبرهم حسب تربيتهم ومجتمعهم
والله الهادي
|
ما أخبي عليك ، إنه الموضوع بدأ يأثر علي لا شعورياً ..
.
.
اقتباس:
المشاركة الأصلية كتبت بواسطة زين ابيها
مو لأن سيئين..
لأن البنت تخاويج أكثر
وتكون صديقة أمها..
ومن صغرها لخد ما تكبر ملتصقة بأمها
الأولاد من يكبرون طايرين
مرة مع ربعهم
و مرة مع زوجاتهم
|
كذا يقولولي كلهم .. نفس الكلام هذا بالضبط ..
و أنا ما أبغى ولدي لاصق فيا ، و أعرف إنه الأولاد لازم أغلب وقتهم برة ..
و لا أبغاه يكون ( ملك ليا ) .. و من دحين أعودهم على انه تكون لهم شخصية مستقلة ..
لكن مو لدرجة إني ما أصير اعني له شي أو ثقيلة عليه ؟ 
و يجلسوا يقولوا ، اللي ما جابت بنت ، كانها ما خلفت ؟
مع إنه تربية الولد متعبة جدا جدا جدا ..
و كلهم حلوين ، بس إذا ربي أعطاني بس هذولي ..
يعني خلاص أندم طول حياتي ؟
.
.
اقتباس:
المشاركة الأصلية كتبت بواسطة هادي322
معقول في حد يفكر كذا!
الرجل غالبا مهما كبر لا ينسى امه بالذات ممكن مع الاب و لكن الام مستحيل(طبعا لكل قاعدة شواذ)
ما الاحظه في عائلة ابي و امي العكس
الولد هو المهتم(و زوجته و اولاده) بالوالدين سواء ماديا او كرعايا
بينما البنت حالما تتزوج تصبح و كأنها ضيف و مساهماتها قليلة
|
كلهم يفكروا كذا ..
قريباتي و صحباتي .. و مع إني ما عمري اشتكيت و قلت أبغى بنت أو ولد .، و كلهم خير و رزق من ربنا 
و زوجي مكتفي باللي عندنا الحمد لله ..
بس ليش يحسسوني إنه أولادي مافيهم خير ، و راح أندم طول عمري ؟
بجد لا شعوريا .. صرت أحس قلبي بدأ يقسى عليهم ..
و تأثرت بصراحة من كلام الي عندها أولاد كبار ..
مع إنه اولادها لسى مو متزوجين .. و يدرسوا ثانوية و جامعة ..
تقول لي ( لا تغلطي نفس غلطتي و تندمي طول عمرك .. و اسمعي نصيحتي و جيبي لك بنت ؟ )
البنت بكيفي أجيبها ؟ 
و ما أبغى أحمل دحين و لا زوجي يبغى .. و لا حتى أم زوجي تبغى ،.
و لا أمي الله يرحمها كانت تبغاني أجيب كثير ...gif "ht")
و أولادي صغار و طلعوا لي عيوني .. و تعبت من تربيتهم .. و استنى متى يكبروا شوي ..
.
.
بصراحة ..
حاسة إني صرت قاسية الفترة هذه على أولادي ، و بجد كلامهم أثر فيا بدون ما أحس ..
حتى صرت مرات أتخيل لو عندي بنت ..
كيف بيكون شكلها ؟ كيف بيكون تعاملي معاها ؟
طيب فرضا عندي بس أولادي هذول .. و ربي يحفظهم و يهديهم ..
يعني خلاص بأندم ؟ و أتحسر طول عمري على نفسي ؟
التعديل الأخير تم بواسطة روح الطير ; 26-02-2016 الساعة 10:46 PM