رد: الي ما عندها بنت .. تندم طول عمرها ؟
اقتباس:
المشاركة الأصلية كتبت بواسطة الإشراقة!
نفس كلام زين
والله يا روح البنت زي النسمة في البيت، أنا من كثر ما أحبهم كان ودي بأخت لبنتي بس قدر الله وما شاء فعل
البنت سبحان الله غير شكل من صغرها تحس بأمها وتفضل صديقتها دائما
الاولاد جو ثاني روح وحركة وخفة دم
سواء بنت ولا ولد كل مين له طعم مختلف
ادعي الله يرزقك برهم ويجعلهم قرة عين لك
|
إيوة صحيح فكرتيني ..
أبلات أولادي في الحضانة و الروضة ،.
يقولوا لي ( ما تحتاجي سينما في البيت و لا تلفزيون .. ماشاء الله عليهم أولادك كفاية ) ..
على قد ماهم مستفزين و قمة الإزعاج و يخرجوني عن طوري و تكسير و ضرب في بعض ..
لكن ماشاء الله خفيفين دم .. حتى مرات أبوهم يعصب عليهم ، و بعدين يضحك من حركاتهم الهبلة ..
.
.
لكن لو فعلا ، الولد .. مو قد كذا يشتاق لأهله بعد ما يكبر و يستقل عنهم ..
خلاص أهيئ نفسي من دحين ، إني ما أتأمل منهم أي شي لما يكبروا ..
و احترم الطبع الذكوري هذا في طبيعة الرجل و طبيعتهم الذكورية ..
يعني أنا من الآن ، أدري إنه مصيرهم يتزوجوا و يصير لهم بيت و زوجة و أولاد ..
و من دحين اعاملهم كأنهم ضيوف عندي ، و أبني لي ذكريات حلوة معاهم و مواقف حلوة بيننا ..
لكن هل ممكن المشاعر هذه بعد ما يكبروا تخف ، و تختفي ؟
هما ماشاء الله مرة يحبوني و متعلقين فيا .. بأحاول اخليهم يخففوا تعلقهم بيا ..
لإنه تعلقهم بيا متعب و مزعج مرات ..
يعني يصحوا نص الليل من النوم ، و يشيلوا مخداتهم و يجوا يناموا معايا ..
اللي عند راسي و اللي تحت عند رجولي ، و اللي على يميني ..
هذاك اليوم زوجي عنده دوام و يخلص قبل الفجر ، رجع البيت و يقول ماشاء الله تبارك الله مافي مكان أبدا جنبك
كلهم محاصرينك ،.