هذا اللي يقولوه لي دايم ..
الولد يتزوج و مرته تبعده عن أهله ؟

طيب أنا عندي أخت أكبر مني ..
لما تزوجت ، نسيت أمي و نسيتنا كلنا مدة سنتين ..

و زوجها العكس ، يموت في أمه و ما يرضى على أمه أي كلمة ..
لدرجة يرضى على زوجته .. لو أمه رضيت عنها ..

.
.

مع إنه أختي هذه شريرة بصراحة ..
لكن ما قدرت تبعد زوجها عن أهله ..

و أنا زوجي بعيد عن أهله ، و ما استغليت الشي هذا لصالحي ..
بس ما أبغاهم يتحكموا فيا .. يكفيني ..

و نفس الشي لو زوجت أولادي ، ما أبغى أتحكم في زوجاتهم ..
أهم شي ولدي يسأل عني و يحبني .. و ما يتغير علي ..

.
.

يمكن المشكلة الأساسية ..

إني زمان و أنا صغيرة و سنة سادسة ابتدائي ، كنت أحاول أقنع أمي بأي طريقة إنه الولد مو أفضل من البنت ..
و أجلس اقنعها إنه البنت فيها مزايا و فيها و فيها .. و كنت أشوف أخواني مو مرة يقدروا أمي و يهتموا فيها مثلي

كنت أتضايق ليش الناس تفضل الأولاد عن البنات ؟
و لإني بنت .. فكنت أحاول أثبت و أقنع أمي إني ممكن أكون أفضل من الأولاد .. و إنه مافي فرق ما بينهم ..

.
.

و انقلبت الآية الآن ..
يمكن ربي يبغاني أحس بنفس أحاسيس أمي ، و أعرف الإجابة بنفسي ..
و أعرف بالتجربة .. ليه أمي الله يرحمها كانت تفضل الأولاد عن البنات ؟

.
.

الواقع اللي أشوفه قدامي ، إنه فعلا الواحد ينسى أمه و أهله لما يتزوج ..
طيب الآن هل كل وحدة ما عندها بنت .. ندمت لما كبرت ؟
هل راح اندم بعدين ؟

.
.

زوجي نهائي ما يبغى أطفال ، و حتى أمه ما تبغى ..
يعني زوجي مو من النوع اللي همه الأطفال ، و لا همه بنت أو ولد ..