البارحة كانت حكاية مع بنتي ميامين واللي عنده حل يحلها معنا😂😂😂

القصة وما فيها كنت فاتحة عالفيسبوك وكل فترة وفترة بتطلب اني فرجيها صورها وهيي وصغيرة وهالسؤال سألته قبل بمرة بس ما كان في تفصيل وتدقيق عالصغيرة والكبيرة
والله يعيني وكأني معي لقب الصبر وطولة البال 😓😓😓😓

المهم بلا طول سيرة
بنوتي خلقت وعيونها رمادي على رصاصي وبعدين اتغيروا لملونين على زيتي وبعدين متل ما هلئ حاليا متل ما بتشوفوها يعني تلاتة بواحد 😁😁😁😁
وفي امل على كبر يصيروا اسود
ومن ضمن الصور اللي علقت عليهن هيدول
هون اول ما خلقت بكم شهر


وهون من بعد ما وعيت











وصارت تحقق معي ليش اتغيروا لون عيونها وتطلع فيني وليش انا لون عيوني ما اتغيروا كونهن ملونين وبدها يرجعوا عيونها متل ما كانت هيي وصغيرة لتصير متلي
ونصير نشبه بعض
واشرحلها واقنعها ما كانت تقتنع بدها عيونها يرجعوا متل ما كانوا 😭😭😭😭

ورجعت انتقلت لموضوع اخوانها انو هني وصغار خلقوا عيونهن غامقين وبقيوا نفس الشي ليش الا هيي اتغيروا
ويا صبر ايوب انا من وين بدي جيب صبر
وحرمت ارجع فرجيها على صورها هيي وصغيرة
والله يستر ايمتا بيرجع ينفتح الموضوع مرة تانية 😁😁😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه