منتدى عالم الأسرة والمجتمع - عرض مشاركة واحدة

03-03-2016, 12:23 PM

#16401

مــريم

موقوف

تاريخ التسجيل: Feb 2006

المشاركات: 14,194

رد: كوفي شوب الصبايا (٣)

اقتباس:

المشاركة الأصلية كتبت بواسطة mimi15

هاي قهوتك من عندي اليوم

لوفتي قهوة مافيس زيوف مفيس بزر اكل بزر سرب لوفتي عصب

ما بشرتينا مريوم ان شاء الله انقضت حاجتك

فداج روحي على القهوة عساني مانحرم منج ..

باسفرها لوفتي خلاص تعبتني على تشتكي..
راس يعور .. زهر يعور .. ماما في موت .. بجا في مريز ..

ميمي حاجتي الحمد لله تقريبا مشت نص الأمور ..
النص الثاني أجلته لمدة سنة ..
بقول لج عشان تفهمين قصدي ههه أحس حيرتكم ..

أنا بيتي اشتريته جاهز بدون قناعة بضغوطات من زوجي ..
مب مرتاحة فيه صغير والغرف صغيرة والصالة صغيرة ..
والحوش اللي كان كبير .. جهة مبني فيها ملحق وجهة مجلس خارجي وجهة مخزن وجهة غرفة السايق .. فضاع الحوش ..
يعني لا بيت واسع ولا حوش واسع .. وايد استضقت ..
بين فترة وفترة أشتكي لزوجي بس بطبيعة الرجل يظن إن البيت باب يقفل وسقف يحمينا من الشمس والمطر ..
لكن المرأة نظرتها للبيت مملكة خاص فيها .. وإذا ماكانت مرتاحة صعب تعيش فيه ..
المهم .. الحمد لله أخيرا اقتنع بفكرتي ..
قلت له أبي أهدم البيت كله بالملاحق وأبني عليه بيت ثاني أكبر .. بس تأكد هل مسموح اوسع البيت أو فيه قوانين لازم نلتزم فيها من حيث الارتداد ( أقصد المسافة اللي لازم نتركها بين سور البيت والبيت نفسه ) ..
إلين أخيرا اقتنع وجاب مقاولين اثنين للبيت ياخذ رايهم ..
وقالوا بالفعل مساحة بيتك صغيرة جدا مقارنة بمساحة الأرض .. تقدرون تبنون عليها بيت ضعف حجم بيتكم الحالي .. وتعدلون توزيع الملاحق الخاريجة لأن هي اللي ضيعت المساحة ..
ألحين بنتظر فترة لأن الكل نصحنا إن العقارات بتطيح أسعارها قريب .. ومواد البناء كذلك ..
وإن شاء الله خير ..

شكرا على سؤالك حبيبتي ..

التعديل الأخير تم بواسطة مــريم ; 03-03-2016 الساعة 12:26 PM